السلام عليكم ورحمة الله وبركاته
اشحالكم خواتي ……
….. …… …… …… …… …… …… ….. …….
اكيد كل وحده تحب زوجها وتموت فيه
لانه الوحيد اللي اختارته من بين ملايين الرياييل وفضلته عليهم
ولانه سندها وعزوتها وبوعيالها
يتعب ويسير ويرد عشانها وعشان راحتها هي والعيال
….. ….. ….. ….. ….. …… ……. ….. …… …..
يعني يستاهل بوعيالج كل خير منج …. ويستاهل انج ادلعينه وتفاجئينه اذا ما كان كل يوم
عشان العيال خليها يوم وترك ….. واذا بعد صعبه على الاقل خليها في الاسبوع مرة
__________________________________________________ _____________
انا واعوذ بالله من كلمة انا الى جانب مهنتي في الفن التشكيلي كنت اعطي دورات صيفيه للبنات والحريم من مختلف الاعمار والجنسيات في فن التعامل الاسري وحلها ولكن الحين بديت ارسل هذه الدروس عبر الرسايل والمنتديات عشان تعم الفايدة ان شالله.
….. بعطيج نصايح وربي بتفيدج في حياتج وبتغير وايد اشياء في حياتج اليومية
وبتلاقين حياتج الاسرية سلسة وخفيفه وحلوة بأذن الله
وهذا درس القيته في محاظرتي بعنوان ( رب اسرتي ) في شهر 7-2017
__________________________________________________ ________
__________________________________________________ _____________
بسم الله الرحمن الرحيم
اول شي البيت…. عندنا كلنا عيال واعمارهم تختلف الله يحفظهم
من عمر الشهور الين 15 وفوق ويعفسون البيت وغيرة
يمنع وضع صور اشخاص
اذا كنتي عايشة في فيلا سويلهم ملحق لعب برع الفيلا يكون فيه حمام عزكم الله ورتبية لهم بحيث يكون لهم فصل دراسي ومتنفس للعب
واذا كنتي عايشه في بيت صغير او شقة
لا تحرمينهم من اللعب ولا تخبين عنهم التحف واكسسوارات البيت واطلعينها بس يوم ايونج ضيوف
هذا اكبر غلط لأنه بيولد عندهم نقص وبيسببون لج احراج سواء في البيت او برع البيت بيحبون يلمسون كل شي
يمنع وضع صور أشخاص
خلي بيتج مرتب كأنج عروس يديدة وحطي كل اللي نفسج فيه حتى لو كنتي عايشه في غرفة في بيت اهل زوجج
خليها الجنة اللي يرتاح فيها معاج ولا تحرمينه من هذا الشي
صدقيني الريال من يظهر من البيت الفجر … ويتركم في البيت انتي وعيالج
الاف الاماني تخطر في بالة عشان يريحكم
يقظي نص يومه بعيد عنكم في الشغل … عشان يستلم هاراتب ويصرفة عليكم ولا تقولين يقصر
لان لو شلتي انتي المسؤولية بتعرفين ليش بعض الازواج ما يعطون بعض الحريم مصروف او يعطونهم شي بسيط
فلنفرض ان زوجج راتبة 10000 درهم ويايب منج 3 اطفال وعندج خدامة
وساكنة في بيت ملك والحمدالله
بس فكري …. بفواتير الكهربا + الماي + اغراض البيت + احتياجات عيالج+راتب الخدامة+بترول السيارات+فواتير التلفونات+حالات الطوارئ مثل المستشفيات…. وشوفي انتي لما يكون نص الشهر وتذمرين وتقولين ابا وبروح وليش فلانة و و و و
غمضي عينج بس عشر دقايق …
وفكري فيه لما يا يخطبج
ولما تزوجتوا
وفرحتكم بأول حمل
وفرحتكم بأول مولود
وخوفج عليه لما يظهر ويتأخر…
فكري وانتي مغمضة لما تقارنين نفسج في الغير سواء عندهم ولا ما عندهم
ويرجع حبيبج بوعيالج الظهر عشان يفتك من حر الشغل وضغط المدير
وانتي اصلا ما تعرفين طبيعة شغلة
سواء كان عسكري او دكتور او موظف في مكتب
…..(( الشغل ونشة الصبح ))) تعب
ويلاقيج تذمرين وتطلبين
يمنع وضع صور شخصيات
ويمكن تكونين انتي طيبة وحبوبة وكل الصفات الحلوة فيج بس بيتج مب نظيف ولا مرتب
وما تعرفين شقا تتصرفين وتسكتين اليهال لما مسكين يتريا متى يدخل البيت عشان ياكل ويسبح وينام
ضغط . ضغط . ضغط . ضغط
ما يستاهل صح!!!!!!!
يمكن وحده تقول يستاهل عشان زوجي ما يسأل عني او هاملني او ما يصرف علي او خاني مرة او او او
كل احتمالاتج ممكن تكون موجوده.. طيب شو الحل؟؟؟
اعاملة بالمثل ؟؟ لا وألف لا
ليش
مب لانه هو ريال وانتي حرمة
عشان امج وابوج …. الي تعبوا عشانج وعطوج لهاريال بعقد وشهود واحيانا شروط
اذا كان زوجج عاصي لا قدر الله او اناني
روضيه …. لميه انتي من اول ويديد …. صدقيني الريال مسكين ما صار عنيف وقاسي الا لان كانت عنده اسباب قبل لا ياخذج
لا تزيدين النار حطب …. لا
جربي واللله العظيم وهو معصب ويصارخ بأعلى صوته ويهدد
قربي منه بكل قوتج واحظنيه
بتلاقينه بينهار وممكن يصيح ( واذا صادفتج هالحالة) معناتها تعباااااااااااااااااااااااان ومب قادر يشتكي لحد
كم وحده بينا زوجها عليه ديون أو قاعد في اجار او راتبة ضعيف؟؟؟
ليش ما تكونين انتي الحل لهالمشاكل
بتقولين كيف
في دورة من دوراتي اللي عطيتها للبنات (2017)
كانت وحده من الخوات تشتكي بضرب الزوج
سألتها شو الحل اللي انتي تشوفينة مناسب لج
قالتلي اروح بيت اهلي!!!!!
رديت عليها … انتي بعتقادج اذا هو تعبان من البيت والعيال والدوام وبتصرفج هذا بتحلين الموقف وبتخلينه يراضيج من بيت اهلج … انتي غلطانة..
بالعكس انتي تهيئينة تدريجيا والله وانتي مب حاسة على انه يتعود على فراقج
قالت طيب شو الحل؟
قلتلها بسيطة
اذا ضربج .. اكتبيله رسالة قوليلة شكثر تحبينة … وبعدين اذكريله عن نهي الاسلام لضرب المرأة
اشتريلةهدية وحطي فيها صورة الخطوبة واكتبيلة عمري ما بندم على اختياري لانك اغلى انسان بحياتي
واذا استمر بضرب ….
طرشيله بنتج الصغيرة مع وردة ورسالة واكتبي فيها ( بابا ، يارب ما يكون زوجي قاسي ويضربني ))
بيفكر في بنته وبيحط صورتج في صورتها وبيعرف حجم الغلط
بس لا تيأسين من انج اتروضينه
كل ريال عنده نقطة ضعف
كوني مثل الشجرة المثمرة . اذا الفيت بالحجارة القت ثمرا طيبا
حبيبتي الزوج ولي وسند وذخر
ويمكن في حالة ثانية يكون زوجج غني وعنده املاك ويسفركم كل سنة وعيالج في احسن المدارس وانتي تلبسين كل الماركات
بس مافي بينكم عاطفة!!
بعتقادج ليش؟
لان المادةغنتنا عن السعادة !
لان ما نشوف الوقت اللي نقعد فيه مع بعض نروح بيت اهله واهلج
نتزاور بين ربعنا
نحتفل بمناسباتنا الخاصة بعيد عن الجميع
________________________________________________
شوفي غناتي
الاسبوع فيه 7 ايام
قسمية وانتي متعاونة معاه … وانا عطيت هالجدول لوايد بنات وطالبات كانوا عندي في الدورات
ونفعهم بطريقة ما تتخيلينها
كيف هذا الجدول وشو الهدف منه
يمنع وضع صور أشخاص
الهدف انج تاخذين حقوقج انتي وعيالج وابو عيالج وبدون تقصير
والطريقة هي:
الأحد = دوام
الاثنين = دوام
الثلاثاء = دوام
الاربعاء = دوام
الخميس = خاص فيج انتي من طلعات وغيرة يعني يعشيج برع تروحين السوق معاه .. السينما !!
الجمعة = للعيال واهلج واهلة وبس.. وتكون الظهر الغدا بيت اهلة والعشا بيت اهلج والجمعة اللي
والجمعة اللي وراها العكس وطبعا عيالج بيكونون مستانسين
السبت = حق ريلج وبس ما تطلبين منه اي شي. كيفه وين ما يبا يروح ومتى ما يرجع لا تسألينة خير شر
لانة عطاج حقج وحق عيالج واهلة واهلج
ايام الدوام هاي بيكون هو فيها مضغوط يعني اذا دوامة رسمي من الصبح لين الظهر
بيرجع جهزيلة الفوطة والحمام وفي الفترة اللي هو يسبح فيها انتي جهزي الغدا
ودايما دايما دايما خصصي له مكان يقعد فيه للغدا والعشا والفطور وتقعدين انتي على يسارة عشان تناولينة الاكل بيمينج
وعشان اليوم اللي ما ياكل فيه معاكم على السفرة يكون مكانة باين وتشتاقين له وتعرفين قيمتة
وعيالج بيكبرون وبيعرفون انه هذا مكان بابا وهذا مكان ماما على السفرة
بعد ما يخلص غدا … لا تمين يالسة تاكلين
قومي وراه لين المغسلة … ودلعيه امسحي على راسه قوليله يعطيك العافية وغيرة من الكلام الحلو
وناوليه عقب 10 دقايق الجرايد مع الشاي والقهوة وصحن الحلو
لين العصر بيسير يصلي عنج وعقب هو حر في تصرفاته لا تلزمينة … ممكن يرجع ويقعد معاكم في البيت افتحي المواضيع اللي تريحه قوليلة سوالف عيالج اللي تضحك
ولا تتشكين وايد
العيال مسؤوليتهم الاكبر عليج انتي مب هو
اذا زوجج من النوع اللي ينام عقب الظهر او صلاة العصر
احرصي انج توعينة لصلاة المغرب حتى لو كان تعبان … لانه في ذمتج .. وعشان ما يسهر ويلخبط نومة.
بعد صلاة المغرب جابلية عند التلفزيون وعيالج … اتعشوا واول شي تسوينة ترقدين عيالج وتعلمينهم النوم الصحي 8:00 نايمين
كوني دايما كاشخه ولابسه ومتعطرة … ربيعاتج والاعراس مب احسن عنه
يمنع وضع صور أشخاص
خصصي يوم لج ويوم له في الاسبوع تمسجينة صدقيني هذا له اثر نفسي كبير عند الريال.
اليوم اللي بيكون يومة السبت مثلا يوم بيرجع من عند ربعة ولا السينما جهزيلة الحمام بهاطريقة
وخلية يشتاق لكل يوم سبت عشان فيه راحتة من كل الجوانب
خلي بينكم تنافس في المحبة منو اللي يعطي الثاني اكثر.
دايما قعدي عدالة في الصالة او بيت اهلج واهلة…
ميزي ريحتج بخلطة انتي تسوينها وخليها ريحتج الاساسية
بحيث لو سافر او راح في مهمة او رحلة وحطيتيلة ريحتج في ثيابة يشتاقلج او راح اي مكان وشم نفس ريحتج …. ((( ركزي انج تسوين خلطة خاصة فيج)))
مب اتسيرين تتعطرين مثلا بعطر كرستيان ديور .. وعقب يشم العطر في غيرج!!!!
وخلي باجي الوقت اذا هو حاب بيقضيه معاج…. واذا هو مشغول خليه يخلص شغلة
وتحملي ترقدين عنه
اطمني انه وصل وشوفيه اذا متعشي ولا يبا حاجه وعقب استأذنيه ونامي
…….
في النهاية يا غناتي
الله يخلي كل زوج وزوجة امين
يمنع وضع صور أشخاص
وكم وحدة عانس
وكم وحدة زوجها معرس عليها لانه مب مرتاح ؟
وكم وحدة ( ارملة)
وتتمنى ظفر هازوج!!!
يارب يارب يارب يارب اديم المحبة بين كل زوج وزوجتة ولا يغير عليهم
وان شالله اكون فدتكم بهالموضوع
وادعولي ارجوكم على مجهودي في كتابة الموضوع وتحميل الصور
يمنع وضع صور اشخاص
الله يسعدج
ويدخلج الجنه
كفيتي ووفيتي ياا غناااتي .. قمة في الاسلوب و الترتيب ..
الصراحه الموضوع يستااهل التميز .. لان صدق مرتب وراقي ..
صدقج الغاليه ,, تسلمين ع هذا الكـــــــــــــــــــلام الحلو اللي شراتج ..
والله يديم المحبه ع كل زوجين .. آمين
