تحليل هرمون القدة الدرقية

خواتي .. أنا تعرضت للاجهاض مرتين متتاليتين .. فطلبت مني الدكتورة اسوي تحليل هرمون الحليب وتحليل هرمون الغدة الدرقية ( TSH) ثاني يوم في الدورة ، وسويته امس ورحت اجيب النتيجة قالي صاحب المختبر أن هرمون الحليب طبيعي ، لكن الغدة فيها كسل وشفت النتيجة مكتوب فيها ( 8,81) ، وقالي لازم تاخذين لها علاج وتعيدين التحليل الشهر القادم ..
طبعا انا براجع الدكتورة يوم السبت ان شاء الله عشان أراويها النتيجة لكن حابة أعرف من الخوات اذا حد منكم سوى التحليل من قبل ؟ وكم لازم تكون النسبة الطبيعية ؟ وهل هذه النتيجة لها علاقة بالحمل والاجهاض ؟؟
جزاها الله خير التي بترد عليه وبتساعدنه ..

الله يعافي جميع المسلمين من جميع الامراض ماضهر منها ومابطن وربي يعوضج خير ان شااء الله..

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين

والله فديتج انا مسويتنها في الوصل الشهر الماضي
بس الحمدلله قالوا النتيجه زينه
عاد انا ما سالت كم لازم اتكون النسبه السليمه
ربي يشفيج الغاليه

للرفع

عزيزتي هل الطفل عندج قبل ما تجهضين ما يكون فيه نبض ولا شو اللي يسبب لج الاجهاض

هلا اختي.. هي الغده لها تأثير ع الاجهاض سواء كانت الغده نشطه ولا خامله

والحين يوم بتسيرين عند الدكتوره بتعطيج الدوى وعادي ان شاء الله بتنتظم عندج الغده
والغده تقريبن لازم اتكون (2 ونص) ولا (3)

لان اختي كانت حامل ماكملت كم يوم الا وعقت.. ويوم سوت تحليل الغده طلع عندها خمول في الغده.. بس الحمد الله كم شهر وانتظمت الغده عندها وحملت بس ايزيدون الجرعه في الحمل اذا كانت الغده خامله..

الله يشافيج الغاليه شى بسيط بيظبطونلج الهرمون تبع الغده ووراها بتحملين باذن الله