تحمـلونـي شويه !!

شحآلكم بنآت زآيد عسآكم بخيــر ..؟؟

بصرآحه انآ وآيد متضآيقه من وضعي هالايآم .. احس اني عآيشه ومب عآيشه .. مآعرف ليش ..!!

اول شي .. وضعي الدراسي مايريحنــي .. درجآتي نآزله .. هذا طبعا لاني فاقده التركيز .. وما أدرس وانا اعرف لو ادرس بييب نتايج حلوه .. بس ولله كل مآ احاول ادرس تضربني ضيقه واصكر كل شي قدآمي .. وارقد .. حاولت وحاولت بس ماقدرت ولله وغير هذا انا يتني فتره سويت عمليه وغبت كمن يوم ..وبمأ اني ادرس التخصص هالسنه الكلاس الوآحد غيابه وآيد وينقع بسرعه الحين كل مآده عندي 18 ولا 12 معني عطيتهم اعذاري وكل شي بس ماعرف ليش احس في ظلم لان في ايام القـى غيابي ناقع فيهاا وماذكر اني غبت استويت اتخربط واسكت وانا اللي خايفه منه يرسبوني في المآده اللي غيابي فيها وآيد او يطردوني تعرف عاد شغل الكليه كييف !!

ثآني شي .. احب الرقآد .. يعني ارد من الكليه السآعه 3 ونص وارقـد وانش بس وقت كل صلاه واصلي وارقد .. يعني احس اني اذاا ماقضيت وقتي كله رقآد ما أرتاح .. مااعرف ليش ما أشبع ..!!

ثآلث شي .. عندي ربيعآت قد شعر رآسي انا وحده اجتمآعيه واحب اتعرف على الكـل واسولف ويآ الكل .. بس المشكله الربيعه الصدق ماتكمل عندي 3 سنوآت !! والسبب نفس السبب هو نتغير على بعض .. بس المشكله مب مني .. منها هي .. تتغير عليه وآنا من النوع اللي اذا فلان تغير عليه اساله مره وحده اذاا قالي مآشي ومادري شو .. اخليه ع راحتـه واسوي سوآته .. !

خآطريه اعرف وحـده اتم معآيه طول الوقت ,, تخاف عليه ,, تتصلبي دوم ,, تيي بيتنا وايي بيتهم ,, تخاف على مصلحتي ,, ماترابعني عسبت مظآهر او شي ,, بس للاسف مآلقيت .. لاني صدق ولله اللي ارابعها ما اخليها تندم على عشرتي .. ولين الحين البناات اللي رابعتهن وتميت ويآهن سنين وافترقنآ .. لين الحين يطروني ويقولون ماآشي مثل رباعتها .. >> طبعا ما امدح عمري خخخ ^^

احس حيآتي مخربطـه .. ماعنـدي اي هدف .. عايشه ومب عآيشه .. انآ صراحه عندي طموح بس ماعندي شي يحفزني ويشجعني .. ابا وحده توقف ويآيه .. وتوجهني وتنصحني ..
وووووااايد مشآكل عندي هي اللي تحبطني .. وماقدر اكتبها هنيه عشآن ماغثكم .. بس اتمنى دعوه منكم تريحني وترريح بآلي لان فكري مشتت ..

شكرآ على حسن استمآعكم عزيزآتي ^^

احسدج على موضوع ربيعاتج …. لان ماعندي ربيعات مع اني ملسونه وااحب الناس
الله يوفقج وديري بالج ع عمرج ودراستج

يمكن انتي حاطه شي في بالج معين خاطرج في شي او شي يشغلج ؟؟؟!! مثلا انا كنت افكر اني اشتغل واقول مابا اكمل دراسه وحاطه هالشي في بالي بس الحمدلله نسيت الفكرره واقتنعت بالدراسه … مرحلة وتعدي باذن الله واذا ماكنتي متزوجه الله يرزقج بالريل الصالح … وان شاء الله بتلقين ربيعه تحبج وتحاتيج سيدات الامارات مايقصرن ^^ ونحن اهنيه اخواتج وحيياااج بأي وقت ^^

الله يوفقج ويبعد عنج الضيق ويسرلج الربيعه الــلي تم ويآج ع طول وتكون نعم الربيعه