السخافة صارت موضة ….تحدي….كل عضوة من هالفئة تنزل موضوع(اسمحولي عالالفاظ ,بس هاي الحقيقة) تستهبل فيه…. و تشوف ردود العضوات وردات فعلهم….وهني المشكلة تبدأ….
في بنات يصدقون و يكتبون حل للمشكلة ..مع ان واااااضح و ضوووح الشمس ان السالفة جذب و قصة خيالية ..بس ما الوم هالفئة اذا صدقوا العضوة(صاحبة الموضوع) و ردوا عليها…يحاولون حل مشكلتها…هاذي الفئة الطيبة
وفي فئة ثانية(اللي دمهم حار)…ما اتقصر…تدري ان صاحبة الموضوع تستهبل …وتبدا تتضارب معاها…واكييد هذا هدف صاحبة الموضوع من البداية..هي بدت الموضوع عشان تستفز البنات…وتستغفلهم……المشكلة ان بعد ماالعضوات يبدون ضرابة..يوصل الموضوع لقلة الادب وتبدا تظهر ألفاظ غير اخلاقية من صاحبة الموضوع طبعا….
اما الفئة الثالثة…واللي صدق صدق تنرفزني….يعجبها الموضوع…و تزيد السالفة…و تتعاون مع صاحبة الموضوع على الاستهبال و السخافة و الضحك…حتى لو وصل الموضوع قلة الادب..ما يهمها..بالعكس يعجبها و اتزيد بعد….
انا لفيت ودرت وايد والين الحين ما وصلت لهدفي من الموضوع…..
ياليت …نتحد كلنا و نتفق….يوم تنزل عضوة تافهة موضوع سخيف..محد يرد عليها خييييير شرررررر….ولا تحاول تهديها او تصلحها و لا تعصب عليها …خلو الموضوع بدون ردود….ترى والله ردودنا هي اللي تحفزهم و كل يوم يعيدون السالفة…لا تردوووووون ابدا….ولا تنزلون مستواكم لها المواضيع…حرام في ناس منزلة مشاكل حقيقة و ناس صدق تعاني تنتظر منكم الحل..لا تتركونهم عشان وحدة فاضية تستغلكم و تقضي وقتها..هذا اذا كانت وحدة مش واحد...
طولت الموضوع ..وياليت لو نلقى تفاعل
هن عضوات معروفات كل ما انحظرت عضويتهم سجلوا مرة ثانية
ويتفقون مع بعض انه وحدة تنزل موضوع عبيط والثانيات يتضاربن داخله
للفت الأنظار ليس إلا
عموما قسم الملاحظات يستقبل أي بلاغات بخصوصهن وعطيت الموضوع أيقونة التميز
كلنا ملاحظين..
ونحنا معاج ضد هالفئة..
بس المفروض يكون في رقابه حتى في الليل من المشرفات
على اقسام المنتدى..
لأنه لين ما يستوعبون المشرفات الموضوع ويغلقونه..
يكون الموضوع وصل 55 صفحة وكله سب وضرابه..
المشاركة الأصلية كتبت بواسطة حور @ العين 
صدق ناس فاضية