تدخل أم الزوج هل له حق!!

سـلام عليكم خواتي

حابه اتناقش معكم في الموضوع اغلب المتزوجين يعنانون منه
وهو غيره ام الزوج من زوجته ولدها

المشكله مو في غيره الام المشكله الاكبر في الزوج
بعضهم يستسلم لي امه ويسمح لها تتدخل في حياته
وشي طبيعي الزوجه لها حريه في حياتها الخاصه لكن الزوج يسئ تصرف
وممكن تنهدم حياته وسبب امه ويظن انه الزوجه هي سبب

الي ابغاه من الموضوعيحلول لي الزوج والزوجه
واي احد عنده تجربه ناجحه يذكرها لنا

كيف تكون معامله الزوج لي امه الغيوره

+

كيف تكون معامله الزوجه مع الزوج وام الزوج
(خصوصا اذ كان الزوج غير واعي انه تصر فات امه تهدم حياته
والام الزوج البعض منهم جهل منها
وبعض منهم حتي لو كانت على وعي على تصرفاتها لكن حب تملك
وبعضهم بصراحه يتحول تعلقها في ولدها كانه زوجها)

عطوني رأيكم هل من حق أم الزوج التدخل في خصوصيات زوجة ابنها

أو دخول غرفة نومهم وتتكلم على راحتها ولا حسيب ولا رقيب

ودمتم بخير

حبيبتي في البداية لازم الحرمة ما تفرض رايها على زوجها وتقعد

تبدل الغرفة او اثاث الغرفة او تنهي وتامر في البيت خاصة اول فترة عرس

لان الام بتحس ان الزوجة بتبدا تسيطر عالبيت وتدخل في كل شي

وهذا الشي اي ام ما تحبه …. بتحس ان الزوجة من بداية الزواج تسوي هذا كله

شو خلت حق بعدين ؟؟؟!!!

انا عندي حرمة اخو زوجي تدخل بشكل مش طبيعي وام زوجي ما تحب هالاسلوب

وقالت لها انتي تبين تخربين بيني وبين ولدي وتبين تاخذين مكاني فالبيت

ومن هالكلام

انا الحمدلله اكون على طبيعتي وما احس اني عرست يعني احط امه في بالي

واسوي اي شي يضايقها… هذا بيتها وهي حرة فيه انا ما يخصني في شي غير

غرفتي وصالتي ،،،،، وهذا اشوفه من حقهاااا الصراحه …

اي ام في الدنيا ما تبا ولدها يتغير عليها لانها كانت تهتم فيه من قبل لا اتيي

البنت للبيت …. وما شاء الله في حريم لسانهن اطول عنهن ويفرضن نفسهن

وهذا اكثثر شي ما تحبه الام

وخلي علاقتج سطحية وافهمي طبيعة الام وشو تحب والا ما تحبه اجنبيه

واسلمي من الشر

شي طبيعي جدا غير الام على ولدها يعني الزوجة قبل لا تحكم على الام تحط نفسها مكانها يعني تتخيل ان ولدها كبر وعرس هل معقولة ما راح تدخل ولو بشكل بسيط بحياته

الام تشوف نفسها ربة وتعبت والحين تجي وحده تاخذه منها بالبارد لازم توتقد في نفسها نار الغيرة لكن في امهات يحاولن انهن يتفهم الوضع قدر الامكان بس ما تقدر تمنع نفسها على طول
وهني ايجي دور الزوجة لازم تتفهم عمتها بس طبعا تحط حاجز بين حياتها الزوجية وحترامها لعمتها وحبها لها وتفهم زوجة ان للحياة الزوجية شي اسمه خصوصية يعني حتى الزوجة مب من حقها تخبر كل شي لامها والزوج نفس الشي
لازم يكون العلاقة مبنيه على الحب ولا احترام وتحاول الزوجة تتجنب اثارت غيره الام وتتفهم تفكيرها

صح أنا وياج أختي مهما كان لازم الزوجه تحترم أم زوجها مهما كانت وياها سواء قاسيه أو حنونه

لكن أم الزوج لازم تتفهم انهم زوجين ولهم خصوصياتهم لازم تعرف مو في أي شي تدخل أو تدخل عرفتهم الخاصه وكأنها تدخل مجلس لا احم ولا دستور هذا أكبر عيب

يعني كل من أم الزوج والزوجه احترام البعض وعلى حدود

صح تتفهم الزوجه للأم زوجها كونها هـي أمه ربته وسهرت عليه حتى كبر وصار الزوج المناسب

لكن ف النهائه يبقى الاحترام لها مهما كانت الظروف ولازم كل الطرفين يتفهم الثاني وبدون تدخل ف الخصوصيات

حطي نفسج مكانها
او اقولج حطي امج واخوج مكان ريلج وامه
^^

شي عادي يستوي هالشي لاااااااااااااازم تكسبين ام ريلج لانها هي الاساس
بالاخير الريال له بدال الحرمه عشر والحرمه نفس الشي
ما حد يخسر امه ويطلع يدور ام ثانيه

الرسول صلى الله عليه وسلم وصى عليها : امك ثم امك ثم امك ثم ابوك
عموما نفترض ان الام ساعات يكون راييها مب صح او تدخلها مب في محله
بالاخير بتكون حرمه كبيره وااااااااااااااجب احترامها وتقديرها
يعني حاولي تتفاهمين ياها بالزين والاسلوب الراقي والهادي اللي ما فيه عناد واكييييييييد بتقتنع

حتى يوم بتستوي بينج وبين ريلج مشاكل لا سمح الله هي بتوقف بصفج
اما انها ما تدخل ولا قراراتها غلط
ما اعتقد ريلج نزل من السما, سنيييييييييييييين وهو وياها لو ما هي من بعد الله ما استوى ريال وخذاج

يعني راعي هالشعور فيها ها لا غيره ولا حب تملك ها نصخها ولدها اللي شلته تسع شهور
انه تيي حرمه وتلغي دوم الام وتعبها ها ما يتقبله عقل

والرياييل يتزوجون عسب يرتاحون ويدورون الاصل والفصل عسب مراعاة الاهل بالمقام الاول
يعني يتريا الصبر والحكمه من زوجته
مب عسب تقوله امك سوت واختك فيها هااا اكبر غلط

بيي يوم بتحس كل وحده باحساس ام ريلها

كما تدين تدان
^^

عطوني رأيكم هل من حق أم الزوج التدخل في خصوصيات زوجة ابنها

أو دخول غرفة نومهم وتتكلم على راحتها ولا حسيب ولا رقيب

هو لايحق لها التدخل حسب مايقولون في هذا العصر

لكن براي عادي تدخل مافيها شيء والزوجة تعتبر ام ريلها امها وبيت زوجها واهله هو بيتها وهم اهلها ( من بيت زوجها للمقبرة )
وعادي تراها ام ممكن تكون عاقلة وممكن تكون جاهلة وممكن تكون وتكون تتحملها وتتفهم وضعها وتكسبها وتخليها تحبها يوم بتحب ام الزوج كنتها وبتثق فيها بتتغير الاوضاع
عادي اذا الام والاب تدخلوا في شوؤن البنت مافيها شيىء وام الزوج وحتى ابو الزوج بمثابة والديها وخاصة ام الزوج
والزوجة في يوم بتكون ام زوج لحرمة لولدها