تربيه الابناء والشتم والصرب!!

بسم الله الرحمن الرحيم ..
سلام الله علييكم

قبل كم يوم شفت وحده
شقى تسب وتضرب !!
تسب كبير وصغيير وتضرب صغير وكبيير
ماشي احترااام ابدا

كنا فالمطعم
يت وحده يااهله يعني مال سنتين
شافت ولدي فالقااري يت عنده تطاالعه
وكانت بنت اخوي وااقفه حذاالها
البنت لعبت فالعاب ولدي
جان بنت اخوي تقوول لها هاي اللعبه مال علااوي
جان تقوول لها لاا وضربت بنت اخوي
قلت لها تعالي حبيبتي عندي
وقامت تضرب علاوي وتسب
تميييت ارااقب اشل عيووني شوي وارد اخاف على بنت اخوي و ولدي
شوي رمست والبنت تضرب علاوي خلته يصيح صياااح
ضربته على ويهه ولدي عمره 9 شهور
جنه طاايح شلييته
وخلييت البنت تلعب بالعااب ولدي مهمى كاان هاي بنت صغييره
وبعديين عطييت اميه عسب ارووح احط اكل
واهي تلعب وياا اليهااال وتركض
اتيي تضرب ولدي وترووح

بس المشكله فالتربيه
يعني اذا شافت امها او اهلها يضربوون اهي بتضرب
اذا شاافت اهلها يسبوون اهي بتسب

يعني اليهاال يظطروون على ان اهم يتاذوون وياذوون النااس
المشكله فالتربيه

عندنا وحده
تونس سواالف .. وكشخه اليلسه ويااها
لكن شووف اللساان والضرب
المشكله مب منها المشكله فالاهل
لانهم اهم دوووم يسوون ويضربوون .. فاليااهل على طول يسووي اللي يسوونه

الي ابي اوصله انكم تحاافظوون على عياالكم
يعني مب كل حد طييب
فييه من نااس لو اليااهل ضرب ياهل يقووموون ويضرربوونه بعد ما عندهم قلب
وجنه ما يعرفوون ان هذا يااهل وبعده مب فااهم عدل

فييااحريييم لا تضربوون عياالكم وتسبوون عياالكم
لان اهم بعد بيتعلموون
ويوم بتيوون تحذروونهم بيقولوون ان انتوا تسووون جييه
لييش احنا ما نسوي ..

السمووحه اطلت عليييكم
بس حبييت اوصل لكم هالشي ..

بالتوفييق ..

عذوووووووووج…

كلامج مهم الصراحة،، وتفكيرج صح..

أنا أكرررررره شي عندي يوم الأم تسب عياالهاا،، أو أي حد يسب،، وااااايد أنقهر وأعصب..

أما الضرب،،،،،
فله أنوااع،،

عندنا الضرب التأديبي،، اللي هو عالخفيف،، بس عشان الياهل يحس ان اللي يسويه غلط،،

مايصير نسكت عالغلط ونتم نطالع،، بتولين بالكلام،، في يهال ما ينفع معاهم الكلام..

ما بكذب عليج،،
أنا أضرب عيالي،،
بس عالخفيف،،،

يعني بايدي،، علي ايدهم أو ريولهم…

أما أخسنوااع الضرب اللي هو الضرب التعذيبي..
في أمهاات يضربوت لدرجة انه بتشوفين أثر الضرب،،

هالضرب اللي يسبب عقد نفسية،،، وحب انتقااام ..

فالياهل يوم يشوف اللي أكبر منه يضربه وما يقدر يرد الضربه له،، يقوم يضرب اللي أصغر عنه…..

هاي فكرتي…

^^

صح كلاامج ام الحلويين

وانا ما طرييت الضرب التاديبي
الضرب التاديبي لابد منه

اطري الضرب التعذييبي مثل ما ذكرتي ..

وتسلمييين الغاليه ..

كلامج سليم 100%

عذوووووووج ….

بصراحه ما احب الام اللي تشاعن وتلاعن وتضرب …..

والحمد لله انا مول ما اسب واضرب الا الضرب التاديبي….

اما سلبيات الضرب التعذيبي وايده ومنها الانحراف والتقليد و و و و ….

بعطيج مثالين شفتهم بعيني وعايشتهم …..

الاول …. السب….

مره كنت يالسة بيت ناس وكانت حرمة موجودة تخيلو انه ولدها هالمفعوص اللي ب4 سنين يسب امه ويقووووووووول كلام عجيب وكبير ويوم قلتها ليش تخلينة يسبج تخيلو ردت بكل برود ششششششوه اسويبه….

والثاني …. الضرب التعذيبي….

ومره كنت بالدوام ويابو بنوتة من المدرسة وحالت البنت تعور القلب والله ولا مكان صاحي في جسمها من الضرب ويوم سالتها منوه ضربج قالت اخوي بس ينعرف انه هالضرب مب ضرب ياهل ….. وفي الاخير طلع ابوها يضربها ومب اول مره متعود دوم يضربها وامها متوفية الله يرحمها ….

تخيلي من رقبتها لين ريولها وهيه مبقعة ومتكسرة من الضرب لا والقهر حتى الكتكوتة اللي تحت محروقة بولاعة والله اني صحت صياح ما عمري صحته ….

ولين يومج البنت مب راضية تطلع من بالي بالرغم من مرور 3 سنوات على هالسالفة …..

عيل كيف البنت ….؟

وكيف بتمارس حياتها الطبيعية ….؟

وكيف تقدر تمحي هالصورة من بالها ….؟

وهل اذا اتزوجت ممكن تربي عيالها تربية صالحة ….؟

ام تعااااااااااااود نفس السيناريو اللي عاشتة …….؟

صح كلامج
لكن احيانا ايينوج عيال عكس اهلهم هههههه
لكن مثل ما قلتي ^_^

غلووي تسلميين ع الرد ..

اول شي
مثل ما قلتي ان قلتي للحرمه ليش تخليينه يسبج قالت شو اسوي به
فييه نفس الشي الولد يضرب الام والام عادي عندها تقول شو اسوي به
وبعديين يضرب النااس ..
ويسبوون النااس ..

اما الثاني ..
الضرب التعذييبي
نااس مالهم قلب والله ..
اذا انتييه مب ناسييه شقى البنت بتنسى
اعتقد البنت باذن الله بتعطيي عيياالها الحنان
لان انا اللي ما عيبني اقول بسوي فعياالي عكسه ..

بنت الطموح
هييه فييه منهم يطلعوون العكس
بس نادرا ..

تسلميين خيتو ..

مرحبا عذيج الريم موضوعج وايد حلو والله هالمواقف تستوي صراحه …ترا اليهال اكييييد يقلدون اهاليهم ما بيييبون شي من عدهم يسون الي يشوفونه من اهاليهم صح والا انا غلطانه ,,,وشكرا حبوبه