عندي 3 اسئلة اللي عندها خبرة باليهال تقولنا عشان الكل يستفيد
السؤال الاول :: تربية العيال تبدا من اي عمر .. ؟
السؤال الثاني ::كيف اسلوبكم بتربية اليهال ..؟ شو الاشياء اللي تسوونها عشان تحسنون سلوك اليهال
يعني مثلا ربيعتي تقول حق بنتها الصغيرة تقرا دعاء الخلاء قبل ما تدخل الحمام و تغسل وييها قبل ما تنام
و تعلمها شكرا .. عطوني بعد اشياء ثانية .. عشان نربي عيالنا تربية صالحة
السؤال الثاث ::انا عندي ولدي ما كمل سنة بس احيانا يلعب باغراض البيت كيف اعلمه ان ها الشي غلط و كيف اعوده ان ها الشي صح او غلط ؟؟
تفاعلو و يا الموضوع .. البنات اللي عندهم خبرة
وعلى اغراض البيت طبيعي فديتج في هالعمر يستكشف لكن انتي حاولي كل مامسك شي قوليله هذا غلط هذا بينكسر وردي مكانه وقوليله هذا لا تمسكه يعني سولفي معاه واذا تنح ههههههههه لان في عيال يتنحون ضربيه على يده على خفيف يعني لاتتركيله مجال عسب لايتعود
وربي يحفظه لج
اهم شي انك تتصرفي صح قدامه و ما تغلطي و لا تتعصبي قدامه و يدا غلط كلميه بهدوء وعلميه الصح من الغلط و يدا كرر الاغلاط ردي انصحيه بنفس الطريقه و بهدوء و ردي علا اسالته كامله
وعمoما ولدج لسا صغير بس نبدا من سنتين و هادا الي مسويته انا مع بنتي و الحمد لله اغلب الاوقات ينجح بس لابد من بعض الفشل مرآت ههههه
أول شى التربية تبدا من أول يوم ينولد البيبي هذا الشى من نظري .. لانج خلاص بتتعودين على انج تكونين تربينه صح .. وهو من اول ما يبدا يفهم بيشوف نفس الطريقة مب بتتغير عليه الطريقة ..
خلي في بالج الصح .. صح والخطا .. خطا …
اذا غلط عاقبية في نفس الوقت وعقب خمس دقايق ارجعي وكلميه وكانج نسيتي الموضوع لاترجعين تذكرينه في الغلط كل شوى.. واذا غلط نفس الغلطة مرة ثانية ارجعي حاسبية في نفس الوقت بس …
واذا سووى شى حلو.. تمي اذكريه وامدحية طول الوقت .. مب اول خمس دقايق وثاني يوم تنسين..
وبخصوص الايات والاحاديث .. ابدي بنفسج .. قبل ما تيلسين قولي يالله بنروح نغسل ايدينا .. واول ما تيلسين قولي بصوت عالي بسم الله الرحمن الرحيم وكلي وهم طبيعي بيقلدونج .. واسكتي وانتبهي انهم ما يرمسون وهم ياكلون .. الا محادثات خفيفة لاتمنعينهم عن الحديث بس شى بسيط .. وعقب قولي الحمدلله .. وروحي غسلي وراقبيهم بيغسلون مثلج ولا لا..
وقبل النوم اقرى الايات بصوت عالي ومع الايام بتحسين انهم حفظوا .. اناعندي اخوى الصغير كان عمرة سنتين ويقول دعاء النوم كامل ويوم يروح عند امي قبل النوم يقول الدعاء والله امي تحلف انها حفظته منه ..
وراقبي تصرفات الاطفال وخلي شخصيتج قويه معاهم بس في نفس الوقت حنونه .. واذا حد عصب او هزأ الطفل لا تدخلين اصبري … شوفي ردة فعله بس .. ولا تعلقين على هالخطا مرة ثانية .. بس لو حسيتي ان نفس الخطا بيتكرر علقي بطريقة ان هالتصرف ما يليق فيك انت شاطر ولازم ما تغلط هالغلطة…
وحاولوا تثقفون نفسكم من الدين والتربية الحديثة وتربطون بين الاثنين …
انا بنتي الحين عمرها 8 شهور بس لو صاحت وحسيت ان صيحتها تبا تلفت انتباهي اقولها لا ماما .. ما يصحيون الحين عيب .. اصبري شوى .. وتسكت اتم تسمعني شو اقول .. بس ما خليها تصيح وتسوى فوضى..
اهم ما في التربية اعطاء الاهتمام للطفل .. وتشتييت عقله عن الخطا ..