تركيا بعد العيد :/ !!

السلام عليكم ورحمة الله وبركاته

،
،

مرحبا خواتي شحالكم ؟؟؟

أبي أستفسر .. في حد حاجز لتركيا بعد العيد ؟؟

اللي حاجزين كنسلتو الحجز ولا للحين ؟؟

احنا مترددين .. عسب الأوضاع عندهم .. مادري والله هل في أمان لو سافرنا ولا لا ..

والمشكله لو كنسلنا ماراح نستفيد منها لنص السنة .. بتروح علينا ..

لأنه احنا حاجزين من شهر 2

مراات أفكر نتريا وعقب نتوكل على الله .. لأنه المظاهرات ف تقسيم واسطنبول ..

واحنا اقامتنا ف يلوا .. و تيرمال يعني بعيد عن اسطنبول وماراح نسير صوبها ..

مادري شو رايكم ؟؟

في حد راجع من تركيا هالفترة يخبرنا عن الاوضاع هناك ..

واحشتني تركيا .. ما أتخيل مانسافر لها هالصيف ..

سألي وزارة الخارجية وهم عندهم الرد اللي يطمن القلب وشكرا

انا فخاطري اسير تركيا والله اظن عادي مايخصها بورصه فالمظاهرات لو فيه شي بتمنع وزاره الخارجيه السفر حق تركيا بس كيف الجو فالعيد

للررفع

جوها حلووو .. وأبرد عن شهر 7 ..
بالليل بررد .. وبالنهار رووعه معتدل ..

نحن سفرنا الاسبوع الياي ان شاء الله تاريخ 16 يونيو

دخلي منتدى المسافرون العرب مكتوب فيه عن الاوضاع في تركيا و بعد الاعضاء يكتبون يوم بيوم و الحمد لله طمنونا