تركيا والا الكويت

هلا حبيباتي

الغاليات انا عندي 13 الف درهم وابغي اعطي ريلي هديه سفره

فشو رايكم هل هالفلوس بتكفي اروح الكويت والا تركيا لمده اسبوع وشو رايكم شو االاحسن

ع العلم عندي بنت عموها سنتين

وبسافر ع طيران الجزيره

ارجوكم ساعدوني

السفره بتكون شهر 12

انا ما عرف عن الكويت شي
بس اسمع الناس يمدحون تركيا وايد ..
و بعدين اكيد الجو بيكون احلى فتركيا ..
الله يوفقج و يوصلج بالسلامه ..
بس ليش ما تسافرين على طيران الامارات .؟

والله تبين الصدق أنا ما جد طحتهن ،، بس أنا أشوفهم مسوين عروض سياحيه حلوه لتركيا ،، واللي سار لتركيا يمدحها،، انتي شوفي الجو عن يكون بس بارد وايد على الصغيرونه شهر 12

من حيث المبلغ ،، أحسبي إذا بيكفيكم لكل شي (تذاكر ، فندق، مواصلات داخليه، أكل ، مشترى ، ومبلغ لازم للطوارى)

ربي ييسر أموركم وإن شاء الله تستانسون في سفرتكم ،،

اظنى الغالية المبلغ بيكون شوى على تركيا حق اسبوع يبالكم تذاكر حق 3 اشخاص وطبعا فندق وتنقلات ومطاعم انتى حددى الطيران واى فندق وشوفى التكلفة للبلدين سواء تركيا او الكويت وباقى البيزات شوفى بتكفى حق المصاريف مناك وطبعا تركيا احلى وجوها رائع بس انتى احسبى الحسبة واى مساعدة انا حاضرة وربى يوفقج

مشكورين وااايد ع الردود الروعه

واتريا المزيد

عن المبلغ اذا بس اسبوع؟؟ بيكفي,,,لأني سرت قبل على شهر1 والجو بااااااااارد وحلووو ب اسطنبول وبورصا كانت ثلوج لمدة10 ايام حواطةو2 يوم للروحة والردة كلفتنا15000 تقريبا

السلام عليكم ورحمه الله وبركاته

أختي أنا راي تركيا لان الكويت مثل جونا . تركيا بيكون تغير. اتصلي الاتحاد للعطلات وقوليلهم انج تبين تحجزين اسبوع تركيا وبعطونج السعر وشوفي اذا يناسب ولا. استعيني بهذيل الجداول عشان تحسبين المزانية. تقدرين تختارين طيران مناسب وفنادق ع حسب الميزانية سوي بحث وشوفي.

[IMG][/IMG]

الله يوفقج عزيزتي..