تسنعي من الحين يابنت باجر راح تتعبين >>> شاركوني بنصايحكم

السلام عليكم ورحمة الله وبركاته

وكالعاده يت جوجو ومعاها موضوع يديد بيرفكت ^^ مفيد للعزابيات هلمو هلمو يامعشر الملقوفات هع

قبل شويات رمسنا انا ووحده ربيعتي من السعوديه الله يجزاها خير

فتقولي كيف البنت وبذات هاليومين اللي نشوفه من هالتطور ان كل وحده تبي تدرس تبي تسوق تبي اداوم بس مايا عبالنا نتسنع ونزهب عمارنا انكون امهات وستات بيت جدعات كده خخخخ

هل فكره شو صار فيها دشت في مخاميخي وقلت لاااااازم اجي اسدحها نتشاور فيها

وناخذ فيها نصايح من الحرومات الحلوات احبكم برشا برشا بزاف بزاف كتير كتير اوي اوي >>> ارمسي لا تتصفعين هههههه

احم

نرجع لمحور حديثنا

الحين ابيكم كده زي الشطار كل من تدخل تسدح لنا نصيحه من خاطرها يعني ممم كيف الوحده تجهز عمرها اتكون ست جدعه خخخ لعقب

طبعا اذا البنت من البدايه ماتعودت ماراح تسوي شي عقب العرس حتى لو قالت يوم يجي الريال يحلها الف حلال بس صدقيني ماراح تتاقلمين لنج ماتعودتي فلازم من الحين تتعودين تشلين مسؤوليه تكونين سنعه تعرفين في هالامور

مثال

وحده مثلا من الحين وهي عزابيه غرفتها فوق تحت كنها واحد من الشباب ويوم تقعد بمكان تاكل ماتشل مكان اكلها واذا حطت شي بمكان ماترد تشله واذا شافت وصخ قدامها بالارض يكون الامر عادي عندها في خدامه تنظف حتى الغرفه مالتها مخربطه مممم هاي تتوقعون انها يوم تعرس بتتعدل

اذا في وحده ولا ثنتين ولا حت 3 تعدلو الباجيات لا مايرومون لنهم ماتعودو مو هييييك

مشان جي كل وحده ادش تنصح خواتها في الله اللي هو نحن طبعا الملقوفات الامورات الحبوبات العسلات هههه

من الحين شو نسوي عسب نغدى سنعات وامرات وستات بيت جدعات

اتمنى تكونو فهمتو قصدي

بنتظاركم

امممممم انتي فكري فيها… وشوفي اللي حولج .. مثلا أنا قبل ما اعرس الحمدلله حرمة سنعه خخخخخ فديتني…

بس بعد مو كاااملة.. وكنت انتبه لأغلااط حريم اخواااني وحريم اخوانهم وربيعاااتي واللي حوولي بشكل عاام بس انتبه واحاول ما اكرر هالشي ..

مثلا حريم الإخوان لما يغلطون فشي خااصة لو ساكنات مع اهل الريل بنفس البيت .. حزة الغدا تتغدا وتغسل ايدها وتيلس ما تشل ولا تحط ولا هم يحزنون .. لو في خدااامه… حلو انج تساعدين ..
مثلا قبل العصر تسويت سويت خفيف كيكة شي بسيط لأن عالعصااري عادي ايونكم ضيوف … ولو مو عسب الضيوف لج ولريلج ولأهله…

أنا تعلمت هالسواالف والحمدلله مو مقصر فبيت ريلي وتعلمت من واااااااااااايد اشياا اهم شي … العناااد اخليه فبيت ابوي لما بعرس وانسى شي اسمه عنااد فبيت ريلي لأني لو عااندت ريلي بتصير لي مشااكل ما لها اول ولا تااالي … مساايسة الريل ماا يباالها شي الكلمة الحلوة تلبي لج كل طلبااتج…
حبي عمتج وخوات ريلج واحترميهم بس خلي بينكم حدووود بتلااقين ريلج طاير فيج للسما.. وحاطنج فعيوونه …

انته في يسوي كلام مزبوط 100%

للرفع

وااااااااايد اشيا في بالي بس ابسط شي الغرفة مفروض تكون مملكة الوحدة لازم ترتبها تغير ديكوراتها من فتره لفتره

كيف مو تروحين تغيرين الغرفة والستاير والصبغ لاااااااااا

ترتبينها يعني اتضيفين لمساااتج عليها مثل الكفر المفااارش شموع ورد مو شرط هالترتبات بس لانج معرسه لاااااااا انتي ترتبين لنفسج ومع الايااام بيكون هالشي عادة عندج وطبعا تكون الغرفة نظيفة ظااااهريا وباطنيا اتمنى فهمتا علي يعني الي يفتح الكبت يجوف كل شي في مكانه مو كل شي يسبح

كلي وفا ومووون نصايحكم وايد حلوه ووايد فادتني انا خصيصا وان شاء الله تفيد خواتي الباجيات

حلو يوم واحد يتعلم من اغلاط غيره على سبيل يوم قالت اختي كلي عن حريم الاخوان اذا مثلا جفتي عليها شي غلط تعلمي من غلطها وخل هالشي عقب يكون بالج وتكونين احسن

والغرفه شرات ماقالت اختي مون لازم من الحين البنيه تهتم بمملكتها اللي هي غرفتها تحاول تعدلها تظيف فيها من ابداعها لن هالشي باجر راح ياثر ع حياتها بتكون مبدعه بكل شي

انا والله بقولكم شي من خاطري انا نزلت هالموضوع لن صج في بنات عايشات ايامهم جي مممم شرات مايقولون سبهلله بما معناه يعني

تنش تجابل النت عقب النت تلفونات ويا ربيعاتها عقب تلفونات تي في عققب تيفي قعده وسوالف ويا الاخوان وعقب رقاد او شوبينق او اي ششي ثاني والسنع هذا يكون اخر شي يجي بالها وهالشي شفته بعيني بنموذجين من العايله

سرتي دشيتي غرفة البنيه الا كلها معتفسه ويوم تقولين لها يافلانه ليش جي غررفتج تقولج ادرس علي امتحانات ماعندي وفت ارتب مالي بارض بزقر الخدامه ترتبهم يوم اظهر طيب وانتي وين يدينج عسب ترتبين

خواتي هالموضوع صدقوني راح يفيد كثير البنات فياليت ماتقصرون وياهم بالنصايح والافكار اللي بتفيدهم

ماجورات ان شاء الله