اكيد كلكم عارفين ان رمضان مابقى عليه الا ايام معدودة
وجايتنا الحوسة في المطبخ والتنظيف وتجهيز الاكل
هذا غير طلبات العيال وابو العيال
نبي كل وحدة فيكم تقوللنا بعض الطرق اللي تسهل عليها الشغل في المطبخ في رمضان
طيب انا ببدأ بنفسي:
اتخلص من كل المواعين التالفة وارميها
&&&&&&&&&
افرغ واحد من الدواليب واحط فيه المواعين اللي استخدامهم بشكل يومي
مثل: اواني الشوربة وصحون الحلى وكاسات الشراب اليومية
كذا يصير اسهل عليك بكثير
&&&&&&&&&
اذا ماعندك ساعة بالمطبخ ضروري تجيبين وحدة
&&&&&&&&&
اول ما اشتري اللحم المفروم اشيل قسم منه واسوي خلطة الكباب كاااااملة واعمله اصابع واثلجه
وقبل القلي اطلعه من الفريزر قبل بساعة واقليه بكل سهولة
وقسم من اللحم احمسه مع شوية بهارات وبصل واثلجه وهذا له استخدامات كثيييييييييره في رمضان
مايحتاج اقولها
&&&&&&&&
اعصر كمية من الليمون تكفي لعدة ايام لاختصار الوقت
طبعا للشوربة وعصير الفيمتو والسلطة ……….الخ
&&&&&&&&
اجمع قناني الماي واحط فيهم لبن وفيمتو وشراب قمر الدين واي مشروب انتو تحبونه
ويظلون في الثلاجة لحين حاجتهم لاتخافين ماتخرب>>>>>>>هذي الطريقة جدا عملية
&&&&&&&&
احاول اني اخفف من الموجودات الغير مهمة او عندي كثير منها
في الفريزر حتى يصير في مكان للاكلات اللي بثلجها في رمضان
انا وديت اغراضي بفريزر امي الله يخليها لان انا ماعندي فريزر كبير
وبعد رمضان انشالله راح ارجعهم
&&&&&&&&
بما ان مطبخي صغير اشتريت ادراج بلاستيك كبيرة نفعتني واااااااااااجد وكأنها من ضمن طقم المطبخ
ياريت كلنا نفيد ونستفيد
يله انتظركم وراجعه لكم بباقي افكاري
و راح أسوي خلطة الثوم بالزنجبيل + البصل بالملح و أحطيه في علب علشان تكون جاهزة
و بعد بلف السمبوسة عن قريب إنشاء الله
الله يعينا جميعاً