تشققات الجلد بسبب الحمل

بغيت اتخبركن خواتي شو اسوي عسب امنع تشققات الجلد بسبب الحمل انا الحين فالخامس تقريبا وبدت تظهرليه على صدريه واكيد بعدين بيظهر على بطنيه وريولي بليز فيدني بشي يمنعهن استخدم زبدة الكاكاو وخواتي من قبل استخدمنها ولافادهن في شي ثاني يممنع؟

أهم شي لا تحكين والسمنه الزايده بالحمل تسبب تشقق عليج بأي كريم مرطب

لين الحين ماحس بحكه الحمد لله
بس التشققات اللي طلعت بصدريه وايد حتى ريلي لاحظهن زاغ تحرا حد مشمخنيه

انا بعد فيني تشققات يقولون زيت اللووز ينفع بس ماسويته

يالفالحه سوويه تراهن مايخوزن انا بجربه

والله إنهن ما يخوزن حتي لو حطيتي عليهن جريز مال السيايير ..أونه مسمين التشققات ( ضريبة الحمل ) وإحنا الحريم ندفعها والريال حاط ريل على ريل ..

اظني لازم تحطين زيت اللوز او زيوت مرطبه .. لنه الجفاف مع الطفره السريعه في زيادة الوزن هي الي تشقق … اشربي ماي وايد بعد ..