ابغي فزعتكم ماعليكم أمر وإقتراحاتكم
زوجي عازم ربعه باجر ويباني اسويله مأكولات بحريه طبعا اللي يهمه الطبق الرئيس يبا مجبوس روبيان بسويله طبعا (اتفنن فيه ) بس كنت ابا الغدا يكون متكامل لأنه ربعه هذول اول مره اييون بيتنا وعددهم 5 اشخاص
شو تشورون عليه في
السلطه – الشوربه – المقبلات – الحلويات – والطبق الرئيسي اللي عندها اقتراح غير الوجبة اللي ذكرتها
وبدعي لكل وحده ترد على موضوووعي
وتسلمون حبايبي ادريبكم ما تقصرووون
السموحة الغلا على التأخير
حلو مجبوس الروبيان..
وتقدريت بعد تقدمين للغدا مشاوي مشكلة مع الحمص والمتبل..
بعد سوي سمج مقلي مع عيش أبيض..وسلطاة خضرا..أو تبولة..وصالونة خضار أو عدس.
وحلويات سلطة فواكه مع طبق حلو خفيف..أوكيكة على ذوقج..
بس ممكن تعطيني طريقة الكفته وطريقة الشوربه ما عليج أمر
مشكووورة الغلا وفي ميزان حسناتج
الغلا كفتة السمك عبارة عن سمك فيلة منظف من غير جلد ولا عظم تغسلينه زين بعدين تحطينة في المفرمة وتضيفين وياة 2 بصل صغير شوية بقدونس وكزبرة وفص ثوم واحد وقطعة زنجبيل صغيرة مع بهارات السمك وبعد ما تفرمينها طلعيها وظيفي عليها 2 ملعقة طعام طحين بعدين اتأكدي من الملح وشكليها على شكل اصابع واقليها بس ياريت لو تخلينها في الثلاجة قبل ما تقلينها للحصول على نتيجة أروع.
ولي عوده لطرح طريقة شوربة المأكولات البحرية