بنات حبيت أفيدكم عسب لا تمرون باللي انا مريت فيه
اليوم رحت عند الدكتورة ……………………………
وقالت لي انه احتمال سبب موت الجنين فبطني هو الزكام والحمى والكحه وكنت لازم حزتها أكون مع دكتورة تفهم عسب تحدد لي الاسبرين او دوا يمنع انه الجنين يتأثر بالحمى لكن انا رحت مع دكاتره ربي يسامحهم بالرغم انهم عيادات خاصه بس ما سوولي شي يقولولي اتريي وبس
ثاني شي قالت لي عادي تكون عندج التهابات بعد أثرت عالجنين
بنات حمل عن حمل يفرق لكن المفروض ان الوحده منا من تحمل تروح عند دكتوره فاهمه وعارفه وكتبت لي رسالة عسب يسوولي تنظيف وقالت لو حسيتيهم ما اهتموا فيج تعاليلي وانا بهتم فيج وبوديج مستشفى ثاني وقعدت تتحرطم على مستشفياتنا وعلى بعض العيادات
بنات انصح كل حامل تروحلدكتوره معروفه فبداية حملها وتقول لها كل التفاصيل حتى لو تحس بحكه او افرازات وكل ما تحس الحامل بشي غريب او تعب تروح تراجع
بنات ادعولي ربي يعوضني هذا اول حمل لي وخسرته وانا راضية اللهم لا اعتراض
ربي يعوضني ويرزقني ويرزق كل محروووووومه يارب آمين
اضطريت امسح اسم الدكتوره لأنه البنات كلوني بقشوري "هههههههههه" شسوي تجربتي انا واختي معاها كانت وايد ممتازه وحبيت انفع الكل لا اكثر واعذروني
وربي يعوضج بالذريه الصالحه
وادعيلي أنه يتمم حملي على خير
المشاركة الأصلية كتبت بواسطة نقش حنا//~ 
وربي يعوضج بالذريه الصالحه
وادعيلي أنه يتمم حملي على خير
ربي يتمم حملج على خير وتشوفين ضناج ولا تذوقين اللي ذقته يارب
واهتمي بنفسج وعليج بالعيادات المعروفه والمضمونه ما تروحين اي عياده او مستشفى لو حسيتي بشي غريب روحي مكان مضمون
لا ممتازه ولاشي هذي عار على دكاترة النسا
أصبري بتيج ردود البنات وبتعرفينها عدل .. بليييز لاتنصحين حد يروحلها
واللي صار لج قضاء وقدر وااايد حريم يحملون واتييهم يميع الأمراض والإلتهابات ومايموت الجنين إلا بإذن واحد أحد… على العموم الحمد لله على سلامتج والله بيعوضج ان شاء الله بالذرية الصالحه توج أول المشوار … ومثل ماقلتي الوحده أول ماتحمل تهتم بنفسها وتروح لدكتوره اتابع حالتها بس مب أحلام….
الله يعوضج ويرزق كل محروم بالذرية الصالحة