تعالوا انلف

R]
طبعا بعضكم استغرب العنوان
أحنا في قبل رمضان بشهر تقريبا نبتدي انلف شنو انلف طبعا السمبوسه و السبرنغ رول
و كل وحده تتفنن في اللف بحشوات و أشكال
و طبعا بعد ما نلفه نرصه ف يصينيه ناشفه و ندخله في لفريزر لمده ساعتين و بعدين نضعه في اكياس و نكتب عليه نوع الحشوه
و وقت التقديم نقليه
من منكم يسوي هذي الطريقه
يله كل وحده تعطينا فكره للحشوه

وهذي احد الأفكار الدارجه عندنا
سمبوسه بالجبن و الذره
علبة جبن حديد كبيره (فالكون و الا كرافت )
كيس ذره مثلجه 500 جرام
نذوب الذره في مصفاه
و نبشر الجبن مبشره متوسطه
نخلط الجبن و الذره و نرشه بالفلفل الاسود
طبعا ورق السمبوسه متوفر السوبر ماركت و انا افضل السعودي الكبير
و انا اعرف اللف السمبوسه الي عندها الطريقه واضحه ياليت اتضيفها بالموضوع
وراح اضيف انشاء الله مجموعه من الحشوات

نا ما اعرفها وخذيت المعلومات منج

تسلمين يالغلا

أتمنى انج اتجربينها و تقولين لي
ترى بنات كلكم بتستفيدون باذن الله

جدا لذيذه هالنوع من الوجبات في رمضان

أشكرج على المرور

انا بعطي موضوعي حقه ليما القى الي تهتم وياي بالفكره
اليوم بحثت و حصلت صور لطريقة لف السمبوسه

و طبعا لازم نقليها بالزيت الغزير حتى تصبح ذهبيه

و تحياتي

واااااااااااااااااااو اشتهيتها (:
الله يبلغنا رمضان يارب

تسلمين
انا من سنتين اتبعت هذى الطريقه صدق انها تريح وتوفر علينا وقت
انا الف
سمبوسه بالجبن الابيض مع النعناع او البقدونس
سمبوسة بالخضره
اصابع الجبنه
سبرنج رول
الكبه
الششسرك

والحين قرايت ان الفطاير بعد تتجمد قلت بحاول اسويها

نحن هاي طريقتنا بعد من زمان..والله توفر عليج وقت وايد..انا اسوي نفس الطريقة بعد للورق عنب..

بس ما أذكر حشوات السمبوسة..شكلي بدور في النت وبيمع طرق..هيه..تذكرت بعد..اسوي كبة بطاطس بلحم المفروم والبهارات وأثلجها..اللي تبى الطريقة تخبرني وبكتبها..