تعالوا بنات بخبركن عن موت جنيني والحمدلله على كل حال 000

السلام عليكم ورحمة الله وبركاته شخباركم بنات اكتب والدموع على خدي اتخيلوا تعبت اربع شهور وحام وبهدله واخر شيء الجنين ميت من اسبوع في بطني ما اعرف شو السبب ونا ابدن ما اشتكيت من شيء بس ما كنت احس بحركته وايد حسيتها بطيئه ويوم سرت المستشفى لاني تعبت من يومين وامس الصدمه والحمدلله على كل حال وقدر الله وماشاء فعل في الليل ياني الم في الظهر واسفل البطن وجسمي تم يرتجف وعيت ريلي وسرنا المستشفى قالوا لي الجنين ما يتحرك والمشيمه نازله وايد مع انه من بداية الحمل كانت نازله بس طمنوني وقالوا ويا الحمل بترتفع المشيمه ونا لين الحين ما اعرف شو السبب وحولني مستشفى الوصل وشافوني وصدق ميت الجنين من اسبوع وضربوني ابره ما اعرف مال شو ونزل بنات ما تعرفون شو شعوري والله اني اكتب وقلبي يتقطع من الالم بس الحمدلله على كل حال وشفته بعيوني ولد واعتقدالسبب اني كنت احط اللابتوب على بطني وارقد غلط والحين انا في الوصل لاني ولدي مات وفي بطني سبحان الله ولد وهم يقولون بنت واتمنى انكم تدعون لي لاني حاسه بالذنب وامي محد مسافره ما ادري اخبرها ولا ريلي يقولي ما اخبرها لانها توها مسافره ما اقدر صراحه ابغي امي ويايه والسموحه اذاضايقتكم بشيء

الحمدالله على كل شي

هذا مقدر ومكتوب من ربج

قدر الله وما شاء فعل

الله يعوضج ان شاء الله باللي اخير عنه

لا تقولين من الاابتوب او من غيره

هذا شي بيد رب العالمين وربج اللي يعرف الاسباب فلا تزعلين عمرج و تأنبين نفسج

يمكن ربج اراد لج هالشي لأن هالياهل بيطلع عالدنيا شقي او بيعذب اهله او مريض لا سمح الله

فربج اعلم منا بحكمة موت الجنين وان شاء الله بيعوضج بطفل غيره وبيفرحج فيه وبيقر عينج وبيجعله من مواليد الصحه العافيه و الذريه الصالحه

الحمدالله ان فبداية الحمل ولا انه يكون فالتاسع لا سمح الله

و شي حريم يموتون اطفالهن بأول يوم من الولاده بدوووون سبب بس جذه سبحان الله

فالحمدالله على كل شي كتبه ربنا

والله يخفف عنج يا رب

والله يعوضج بدال اللي راح بكثر ما تتمنين

وان شاء الله بتحملين عقب هالحمل وبتييبين بنت او ولد ويجعله ربي فرحة عمرج وقرة عين لج

لكن انتي قولي الحمدالله وخلي ايمانج بالله قوي

ولا تنسين ان هالجنين بيكون طير من طيور الجنة بأذن الله وبيشفع لج بالآخره

لا حلو ولا قوة الا بالله

قدر الله وما شاء فعل.. لا تزعلين عمرج حبيبتي .. بعدج صغيرة والله بيرزقج الاولاد والبنات

ومثل ما قالت شيخة بيتنا .. هذي حكمة من رب العالمين وسبحان الله الجنين الي فيه شي ينزل من نفسه عشان ما يتعب اهله عقب..

الله يرزقج ولد او بنت معافى

الغاليه الله يصبرج

ويمكن فيها خيره .. وان شالله الله بيعوضج ..

قدر الله وما شاء فعل والله يعوضك بخير ويفرجها عليك ويرزقك بالذريه الصالحه تقر عينك بيهم

لاحول ولا قوة الابالله ..الله يصبرك ويخلف عليك بغيره آمين..
اما انك تقولين لي امك اشوف مالا داعي تخلين امك تحاتيك وهيه بعيده عنك وانشاء الله زوجك فيه البركه..