مرحبا الغاليات تعالوا خبروني شواحسن منع حمل جربتوه لاني انا جربت الولب وكانت تجربة فضيعة وااايد تعبت منه والحين انا حامل على بنتي فديتها ومب عارفة شوامنع بعد الولادة دار راسي وانا افكر فا اتمنى منكم تساعدوني ونتشاور ويا بعض شواحسن واريح منع الحمل ويزاكم الله كل خير
انا جربت الحبوب 3 شهور و ابدا ما ناسبني
وبعدين جربت اللولب والحمد الله من 3 سنوات و وايد اوكيه
على حسب طبيعه جسم الوحده
تسلمين حبيبتي على مشاركتج في الموضوع ويزاج الله كل خير…….
هلا اختي ام عليه يبتيها ع العوق والله حتى انا دار راسي وانا افكر في الموضوع
انا من عقب عرسي كنت استخدم العزل الطبيعي اعد 10 ايام عقب الدوره وخلال هالايام يحصل
النزول خارج لانه هالايام ايام التبويض وباقي الايام عادي والحمدلله تميت على هالشي سنتين ولاحملت
والحين ربيت وانا في الاربعين واحاتي الموضوع انه الحين مابتنفعني طريقتي يمكن لانه الدورة تكون ملخبطة
وماراح اعرف ايام التبويض محتاره استخدم طريقتي القديمه او اخذ مانع لين ماتنتظم دورتي
وللعلم انا ارضع ولدي واخاف اذا مانع قوي بياثر ع البيبي
بنات ساعدونا اللي عندها خبره
انا اشوووف لحبووب احسن ،، لانها صدق اتنظم الدورة وتضمنين انج ما بتحملين الا اذا نسيتي تاخذينها …
ومن جسم لجسم يختلف ،،لان البعض يناسبهم حبوب والبعض لولب ،،
ومن جسم لجسم يختلف ،،لان البعض يناسبهم حبوب والبعض لولب ،،
يمدحون اللولب الهرموني
بس نبا وحده تفيدنا ومجربه
بس نبا وحده تفيدنا ومجربه
ووووو اب
انا مابي اجرب اللولب ابي اجرب طريقتي العزل الطبيعي
بس ابي الحبوب مؤقت لين تنتظم دورتي عقب الاربعين
وبودر الحبوب وماعتقد بياثر هالشي ع الجسم لاني مابطول او شورايكم يابنات؟
ابي وحده ترضع البيبي وتاخذ حبوب وناسبها وماحملت تخبرني عنه