♥♥♥♥ تعالوا شوفوا تطبيقي لكيكة الشاطىء خخخخخ ♥ ♥♥♥

الطريقة منقوووولة بس الصور تطبيقي

تعالوا معاي شوفوا الخطوات السهلة وانشالله تطبقونها بشكل احسن لاني حدي كنت مستعيلة وعفست الدنيا بس طلعت اوكي لكن مو بالشكل اللي لو مسويته على مزاجي وعلى روااااق او روااااء على قولة اللبنانيين

المقادير:-

(*) بسكويت أصابع رينجو
(*) ملعقة متوسطة كاكاو بودرة
(*) علبة حليب نستله محلى كبيرة
(*) كيك أمريكانا بالشوكولاته
(*) كيك أمريكانا بالفانيلا
(*) ظرف دريم ويب
(*) علبة قشطة
(*) 4 أصابع شوكولاتة سنيكرز
(*) 9 حبات جبن كيري
(*) لون طعام أزرق
(*) بسكويت شاي مطحون للوجه انا استخدمت بتي بور

وهذي صورة المقادير بس كيكة سويسرول الفانيلا مو واضحة بالصورة من العيلة بتشوفون بلاوي طوفوها

في صينية الجيز كيك يعني الصينية اللي تفتحينها من الجوانب تسكرينها عدل وتقطعين كيك الكاكاو وترصينة بالصينية كطبقة اولى وبنفس الوقت حاولي ترصين اصابع البسكوت عالاطراف لان شوي صعبة يوقفون احط وحدة تطيح لاثانية الله يعينكم على هالخطوة لم يصير بهالشكل

المفروض ان تحطين الحين السنيكرز بحمام مائي عشان نذوبه بس انا حطيته بالميكروويف عاد انتي اختاري ..وبعدها تحطين السنيكرز مع 3 جبن كيري ومع القشطة مع ملعقة كاكاو بودرة بالخلاط الكهربائي وتخلينه ينخلط عدل مدل بعدها صبيه فوق طبقة الكيك وحطيه بالفريزر لمدة 10 دقايق لين يتماسك او على ماتسوين الخلطة الياية

بعد ما تتماسك الخلطة دقايق بالفريزر طلعيه وقطعي كيك الفانيلا ورصيه كطبقة ثالثة مثل الصوورة

الحين بالخلاط حطيه حليب النستله + الدريم ويب + 6 حبات جبن كيري ولم ينخلط عدل مدل صبي نص الخلطة على جانب واحد بس من الكيكة مثل الصووورة

وباقي الخلطة ضيفي عليها شوي من اللون الازرق وخل تنخلط مرة ثانية بالخلاط وانتي شوفي اللون ان صار لونه ازرق عدل مدل اوكي ..اما اذا حاطه شوية لون زيدي شوي لم يعطيج الزراق البحري العجيب وصبيه على النص الثاني من الكيكة … والنص الاول اللي لونه ابيض طحني البسكووت وغطيه سويه مثل الرمل ..نفس الصوورة

والحين حطيها بالفريزر حروة ال6 ساعات جذي ووقت التقديم طلعيها وزينيها بكاكاو الكور وجلي اللي على شكل اسماك واللي على شكل صخر وطفاحية وطبعا الشماااسي اهم شي وهذا الشكل النهائي.. وطبعا الشمسية انا حاطتها ذهبيي شلوون صايرة بني مادري التصوير حده موشي لان قبل ما ياكلونها تذكرت اصور شكلها النهائي ولا جان مت بجي وقهر لو ناسية

وبالعاافية على كل من شافت وشردت ..او شافت وردت.. او شافت وردت وطبقت ..