صبآح آالخير مسأء الخير
شحالكم شخباركم عرايس وملاقيف متزوجات وامهات ويدات وخالات وعمات (بس عاد الحين بطلع شجرة العائلة كلها خخخخخخ)
طبعا من العنوان مبين شو الموضوع وانتو كلكم تحبون هاي المواضيع
اليوم نشيت (سبحان الله ) ويتني الفكرة في بالي وقلت خليني ايد البنات اللي يعانون مثلي من الوزن
طبعا ببدا لكم رجيمي من الصفر
الفطور الساعه 7 تقريبا او 8 اسير ماكدونالدز اطلبلي ماك سبايسي او ساعات بيق ماك للشبعة طبعا كله وجبات
لين الساعه 10 انا يوعانه اشوفلي اقرب مطعم هندي واخذ لي كيمة براتا وجاي حليب
الساعه 12 اصبر معدتي بهمبورجر من اي كفتيريا
الساعه 2 وقت الغدى الاول اكل من اكل البيت على قولتهم الجود من الموجود وعقب لين الساعه 4 كنتاكي ياي عند البيت تسمعون بييييييب وهجوم على الاكل
الساعه 5 اوني ابدى الرجيم اكل بسكووت وحليب
الساعه 6 او 7 اروح امشي لي ساعه اوني احرق اللي كلته كله والله تفكير
الساعه 9 العشى يا اما بيتزا او اي شي ثاني
وطبعا ماانسى الحلويات كل ما ايوع اروح المطبخ اتذكر اسهل حلو وما ياخذ وقت واسوية على طول
وهاي حالتي
ها عيبكم رجيمي
هههههههه
طبعا لو هذا رجيمي جان اانا الحين في المقبرة
رجيمي الحقيقي هو
الصبح ساعاات اتريق وساعات لا و ريوقي هو حليب فرش اسخنه واحطله زنجبيل طبعا بدون سكر او المحلي
بين الريوق والغدى اكل لي بسكوت مال الرجيم مع ماي و حليب
الغدى يكون عادي من البيت بس شوي يعني ما اشبع
وبين الغدى والعشى اكل حبة تفاحة او 2 عادي ما يضر او حبة او 2 كمثرى او كيوي او اي حبة او 2 فواكه
وطبعا طول الوقت اسوي رياضة في البيت يعني انط حبل واسوي تمارين البطن واجري في البيت طبعا بالمعقول ما اتعب نفسي
والعشى يكون الساعه 7 مب اكثر اكل شي خفيف جدا جدا جدا قبلها اطلع امشي ساعه
والساعه 9 ارقصلي شوي عشان جسمي يتخصر واتذوب الشحوم
وفعلا مع هذا الرجيم نزلت في الاسبوع ما يقارب 2 الى 3 كيلو والحمدلله
عاد انتو اختارو اي رجيم تبون الاول والا الثاني
الاول حق الضعيفة الللي تبا تمتن والثاني للمتينة اللي تبا تضعف
ومع تمنياتي لكم بدوام الصحة والعافية
جنه الاطفال بيوتهم ودامت دياركم عامرة بالافراح والمسرات
الحمدلله والشكر انهبلت ها كله من تأثير العرس علي والرجيم
والسموحة
طبعاااا الحين انا اسوي ريجيم
والله كريم
وان شاااااااااء الله اضعف
عيبتني اخر جملتين
انا كل ما اسوي رجييم احس امتن زيادة
دووم أخرب و لا التزم
خلاص بكوون عرووس متيينة
عاد الرجيم الأول يلوع الجبد من الصبح ماكدونالز ؟؟!!!!!!!!!
بس أعتقد يضعف لأن بياكل كل ها يا يتسمم وإلا اسهال وعلى غسيل معدة وبيضعف خخخ
مشكورة أختي والله يتمم لج على خير إن شاء الله