تعالو نفرفش ونغير جو المشاكل وين تروحين في الويكند؟؟

صباااح الورد
بصراااحه فالدوله عنا اماكن روعه حق العوائل روحي الشماليه كتغير الجو هناك كله طبيعه وجبال وحلاتها فالشتا .. او سيرو البر والضو واليلسه والسووالف ياااحلاته عن نفسي اليوم متووكلين قطر وان شاء الله نستانس اول مره اسيرها .. وانجوووي فديتج

صباح النور والسرور

الويكند مالي يوم ريلي يكون راد من دوامه لان دوامه يتم فيه 3 ايام ويرد
واغلبية المرات نطلع طلعه سينما وعشا
بس في هالاجواء نسير البر ونغير جو

ماشي جدول محدد للطلعه

أنا فالويكند بحكم إني أداوم .. أحب أول صباح الجمعة من غبشة
أنظف البيت تنظيف من الخاااطر مع غني كل يوم انظفة بس الجمعه بزيادة..
وأسوي رييوق حلو لي وبنتي وريلي قبل الصلاه عاد اكون مخلصه الغدا ومنظفة
والدخون وكل شي زاهب.. بعد الصلاه نشل غدانا ونظلع بر لحد المغرب
أما السبت السوق والاهل.. ومرات عند جيرانا .. ومرات نقضي الويكند كله مثلا
في بوظبي أو مسقط أو عجمان أو خصب جيه..

هالويكنــد يمكن مـآقدر أطلــع لأنه نظــآم دوام ريــــــلي صعـب شوي
وانا أوردي عنــدي أسايمنتآت وشغل الكليـة مكود ع رآسي لآزم آخلصـه

ف هالويكند ناويه أودي الصغارية كيدزانيا لأنهم من فترة يحنون عليه أبوهم كان مسافر ان شاء الله بيوديهم باجر
المكان وايد حلو حق الصغاريه ونفس الوقت أحسه انسب مكان لهم أنصحكم تودون عيالكم وتدخلون وياهم أكيد بتستمتعون

أنا ناوية ان شاء الله أودي العيال الألعاب وبعدين نسير نتعشى بمطعم ويمكن أزور أهل ريلي