ومسكت ريلي وقالتله كلاااااام عييييب علي والله حتى انا اقوله بس قالت حرمتك ماندري وين تسير ومن وين ترد صايرة حواطة وماتيلس بالبيت وحرمتك ماتم واحد بالبلاد ماتعرفه وانا من زود الصدمة بس يالسه اتطالع بعمتي وساكته حسيت ان بينغمى علي انا قبل ماتزوج ماحد يرمس عني هالرمسه بيرمسون عني جيه وانا متزوجة وام عيال ……..اتصلت اخت ريلي اللي خبرتكم عنها قال حق ريلي والله ان ريلها يقول جافني انزل من سيارة واركب سيارة والله ماتتخيلون كيف صرت عقبها احسس اني ابا اصرخ مادري شو ياهم علي انا شو سويت وتخيلوا عايشة بروحي اهلي بعيد كنت اباهم هم يكونون اهلي وكل شي …نزل عندي الضغغط لدرجة اول مرة امر بهالحالة المهم ريلي ماصدقهم وقال لعمتي انا اتصل بها 24 ساعة وواثق منها لو تكون بين 1000ريال مابتسوي شي ريلي قالي انتي لازم تريحين شويه من جو البيت وماقصر وداني دبي ويلسنا فيها 4 ايام ريحت اعصابي ومسكين عطاني بطاقة البنك ماله ووداني فستيفال سنتر وماتم محل مادخلني فيه ويصر علي ان لازم اشتري يقولي دلعي عمرج وخليهم يولون ..اتصلت باهلي كلهم الوالد والوالدة واخواني واخيرا يا اخوي العووود واخذني انا وعيالي بعد موافقة ريلي طبعالان ريلي كان ماييني الا ايام الويكند فتخيلوا حتى يوم صارت المشكله خلاني عندهم بحكم ان كل يوم يحاول ياخذ اجازة ومارضو يعطونه فقال اخوي ان تعالي ويليس عندنا بالبيت لييين مالله ياخذ حقج منهم حسبي الله عليهم..واخيرا سافرت ويلست عند اهلي تخييييييييييلوا باليوم الثاني اتصل فيني ريلي ويالس يضاربني لللين شهر كااااامل مايتصل الا عسب يسالني انه شاك بواحد من الفريج ولا يسالني عن اوراق مستشفى ومادري شو لان قبل كنت اودي عيالي للفحوصات لان بشكارتنا كان فيها الكبد الوبائي فهو شاك اني ماوديهم او اني اقص عليه عرفت ان اهله يلسوا يمزرون رراااسه عليا وبعد هالشهر بجم يوم يعني بداية شهر 6 (طبعا طوووول هالوقت وحسبي الله ونعم الوكيل الحمدلله مافارقتني واهلي بعد مافصروا اول مايجوفوني ناشه من الرقاد يذكروني لاتنسين تقولين حسبي الله ونعم الوكيل تراج ماتعرفين شو بتسويلج ) اخيرا تبين لي مقصدهم (اهل ريلي)وهم شو يبون بالضبط عرفت انهم يبون يزوجونه لااكثر ولا اقل خبرني قال انا بتزوج قلتله عادي الله يوفقك بحياتك روح وجوف نصيبك سكت انصدم بند التلفون بعد ها تم يتصل يقولي تبيني اييي قلتله اذاا كنت تباني تعال ماتباني لاتيي مب مجبور ولا انا مجبورة اعيش وياك(حاولت ابين له عزة نفسي عشان يفهم اني لازم مايرخصني بكلام اهله اللي لاصار ولا استوى)وقلتله واذا تفكر تطلق طلق روح جوف رزقك وانا بجوف رزقي وماكمل اسبوع الا ياني وحضني ويصيح ردلي يقولي انا ولا شي بدونج قلتله انا مابرد الا وريلي على ريلك يعني تضهرلي شقة ووعدني انه بيضهرها لي وفجأة صدمني
تدرين منو ورا كل هالمشاكل اللي صارت بيننا بالبيت مب الولد اللي عمره 9 سنوات لا قالي هاي اختي قالت اللي قالته بس عسب تثبت كلامها قالت ان الجنيه اللي بالياهل هي اللي رمست
وكانت تبا تزوجني وانا يلست افكر بس ماقدرت انا متعود عليج كانت وااايد تفر علي نغزات عسب اطلقج بس بعد ماقدرت وسرت لريلها وسالته انته جفت حرمتي تنزل من سيارة وتركب سيارة ثانيه قال لا ماجفتها قاله ريلي عيل حق شو ترمس جيه قال اختك قالتلي قول هالرمسه والحينه,,,,,,,, تعالي جوفي حياتها قلتله ليش شو فيها( انا بروحي ماصدقت)
جفتوا بنات انا شو كاتبه اول القصه انها قالت انا اعرف واحد من ثلاث سنوات ووووو نفس اللي صارلي صارلها تكلموا الناس كلها اللي بفريجهم عنها وريلها طلقهاوتغربلت بمعنى الكلمة صارت تسير ترقد في بيت ناس غرب يعني ربيعاتها لانها تداوم بامارة وماتعرف حد فيها غير ربيعاتها وماعطوها اجازة انذلت في بيت ربيعاتها يفرون عليها نغزات عسب تضهر من بيتهم وحتى ماكانت ترقد مثل الناس كل دقيقة كانت تنغز من رقادها وجلسات الطلاق لسه ماخلصت وراح ريلها وتزوج عليها وحدة ثانيه
جفتوا كيف حسبي الله ونعم الوكيل اللي كانت تتمناه يصيرلي صارلها وكانت هي اللي تبا تضرني وانا ماضريتها
اللهم لاشماته انا ماتشمت …والحينهريلي ضهرني بشقة ولا اشبر بيتها مع ان ريلي دايما يسير لها يقولي قومي اقوله الله وياك
اللهم لك الحمد اللهم لك الحمد اللهم لك الحمد
ربي أن شالله يوفقج في حياتج ..,,
ويستر ع اخت ريلج ويهديها يارب العالمين..
بس اخني لو كتبتي موضوعج في قسم المشكلات احسن
ما شاء الله عليج عيبني موقفج ورده فعلج وكيف تحملتي هذا كله …. الصراحه اللي مريتي فيه موقف وايد صعب
الله يوفقج فحياتج
