كيف الحال خواتي وعساكن بخير….الغاليات انا حامل من شهر ونص الحمدلله بس تعبانه من اللوعه ماخليت لا لومي ولاتوت بري حامض ولا روبه حامضه ولا روب وفلفل شو بقى بعد هل اللوعه من 4 ايام وماتخوز لدرجه اني ماشتهي العيشه وايد اكل غصبن عني
فحملي االاول ماكنت جيه بس هل المره غير….؟
وسؤال الثاني الواير ليس ياثر ع الحامل لان لبتوبي شابك النت ع الوايررليس وبصراحه اتروع ماعرف اذا حد سمع انه ياثر او لا…
والسموحه منكن
و قــرأت مـره أن بسكــويــت مملــح يمكـن يخفف اللــوعــه بـس مــا جــربــت ؛؛
اللــه يسهلــج و تعــدي شهــور الحمــل علــى خيــر و تقــومـي بـالسـلامــه ؛؛
الله يتمم حملج ع خير يارب
وترا كل حمل يختلف ومب شرط يكون نفس الشي
وان شاء الله اللوعة بتخف عنج من تخلصين الشهر الثالث
ماعليج الا تتحملين وتصبرين ولو ان هالشي يخلي الواحد يفقد صبره
ويوم بتنشين الصبح كلي لج بسكوتة وحاولي وجباتج تكون خفيفة ومتفرقة عسب ما تتعب معدتج واتييج اللوعة
وبالنسبة لواير اللاب انا اول مرة اسمع عنه الصراحة .. ماشا ءالله من استويت وانا حامل بعيالي استخدم اللاب وما استوالي شي لان ماحيد فيه اشعاعات ومن هالنوع
وان شاء الله فدتج
عن اللوعه غناتي حاولي تبتعدين عن الحمضيات وكلي نواشف مثل بسكوت مالح او خبز وشربي الزعتر وايد زين عن اللوعه
اما الواير ليس ما اعتقد انه يأثر
انا كنت اخذ الفليل حبة صح انها تدوخني لين الصبح بس يوم انش الصبح احس اللوعة وايد تخف عني
وفي حبوب وردية كنت اكلهن الصبح