تعبانه نفسيا بسبة الحمل الغير متوقع .

بدون مقدمات رحت اليوم وجيكت وطلعت حامل وحملي بالغلط ومستوي قبل الدوره بكم يوم وانا اللي كنت اتحسب طريقة العزل مضمونه وخاصه قبل الدوره مع انها منتظمه …
انا نفسيتي تعبانه مربيه من سنه وقيصريه وعندي ثلاث وبروحي تعبانه منهم والسبه ما عندي وقت اذاكرلهم لانه الصغير دوم يصيح ومخرب عليهم والحين حامل ونفسيا مووووول مب قادره اذاكرلهم يعني هم فوق هم ومسؤووليه العيال … وانا الحين قالتلي الدكتوره ماكمل ثلاث اسابيع …..
احس محد حاس فيني وكل يوم المدارس شكاوي على عيالي قل مستواهم بعد ما كانو ممتازين انزين شو اسوي …انا ادري هاذي قدرة الله والله كاتب وودي اتقبل السالفه بس من داخلي مووووول مب متقبله … وفوق هذا كله ارضع ولدي واذا فطمته بتزيد حالتي سوء ما ريد افطمه علشان ما تتعب نفسيتي غامضني والله …
والحين ريولي بعد امسات معالجتنها ما تستحمل الوزن الزائد وانا اللي وزني يزيد عشرين كيلو وانا ما صدقت افتك من العشرين الحين بيردون …
سامحوني بس ابغي افضفض ما عندي حد اشكيله لانه محد يحس كل حد لاهي والحمدلله على كل حال ..
الله يصبرني ادعووووووولي …

الله يكون بعونج وخيره من ربج فديتج الحمل غيرج يدور مب محصل

الارزاق بايد الله
والله يوفقج ويسهل عليج حملج ان شاء الله
حبيبتي لا تضايجين واتكدرين بعمرج تيك ات ايزي هع
والحمدالله ع كل حااال

الله ييسر لج حبيبتي
والله يخلق العبد ووياه رزقه

هونيها واتهون الغالية…
استعيني بالله الغاليه هذي نعمه من رب العالمين وادعي ربج ان يرضيج باللي قسمه لج
وإن شاء الله تتبدل حالتج من الضيق واتكونين مستانسة في البيبي رغم كل الظروف…
يا رب بدل نفسيتها وامنحها الرضى بما قسمته لها يا الله يا كريم برحمتك يا أرحم الراحمين
أستغفر الله العظيم رب العرش العظيم من كل ذنب عظيم وأتوب إليه

رزق من رب العالمين ما تدرين يمكن هو اللي يشلج

:

الله يعينـج ووايّسرلـج =)
حاولي تعرفين الطّرييقـه لي تناسب الياهــل انه يلتهي ومايصيــح ،
عنــدج الكرسي لي يتعلّق على الباب ويوم تحطين البيبي فيه يتم يناقــز
احسّه حلوووو ووايد يستانسون عليــــه =)

أممممم ،
والله ايّسرلــج ويوفّقـــج
=)