تعبت من الحبوب منو تعالجت وافتكت

السلام عليكم ورحمة الله وبركاته

أنا عمري 33 من يوم عمري 15 سنه وأنا أعاني من الحبوب إللي تودر آثار وكل ما أعالج يعطوني هالمضادات إللي مامنها فايده ، وكل من شافني يحرجوني يقولولي سيري عالجي ليش ويهج جي والمشكله الحبوب ماكله الخدود ياريت كانت بأماكن مب واضحه

حتى ريلي يقولي سيري عالجي مسكين لاعت جبده ياريت تنصحوني وين أعالج
على فكره خواتي إللي عالجن بالريكوتان ما ينصحوني أستخدمه أونه ماينفع والدكاتره مايوصفولي ياه يقولون انه ثجيل والله ما قمت أطلع جدام الحريم الكل يحرجني حتى بيت أهل ريلي لي شهور ما أسير لأن لازم تعليقات تعبت نفسيا ياريت ألقى علاج

حبيبتي لازم تسوين فحص يمكن عندج تكيسات أو شي لاسمح الله

أو فيج خلل هرموني .. بنت خالتي ويهها محبب ومافادها العلاج العادي .. ويوم سوت فحص قالت لها الدكتورة الخلل داخلي ومن الهرمونات ..

والعلاج اللي هي تتبعه حاليا لازم تستمر عليه سنه وزود عشان تبين النتايج ..

حتى حرمة خالي كانت جيه .. والسبب الهرمونات بعد بس اتعالجت الحمدلله وويها صفا ماشالله ..

انا ما انصحج بالريكوتان .. لكن اغلب اللي استخدموه تعالجوا .. بس بعد ما اضمنه لج وخصوصا لانج متزوجه لانه اضراره وايد .. ^^

انا مع الاخت

انا جربت الريكوتان والحين مرتاحه بس له اضرار واثار جانبيه …خاصه انج متزوجه وايد خطير
سيري لدكتور ولازم فحص اول شي …

عندج الدكتور عاطف في مستشفى العنايه التخصصي
وعندج دكتوره في المدار الطبي

والله يعينج يالغلا

الله يعييييييييييييييييين

ودي اساعدج والله…
بس انا ما انصحج تستحين من بشرتج ..
شي مليون حل وحل ..حطي كريم اساس قوي يخفي العيوب مثل مال كريولان التيفي ستيك … اهم شي انج تطلعين جدام الناس ولا تتأثر نفسيتج …
خدامتي كان ويها مترووووس حبوب اول مره كنت اشوف حد لها الدرجه يبتلها كريم ما بقول من وين علشان ما يقولون دعايه خااازت والله الحبوب عنها الحين بشرتها صافيه ومشدوده …
والنفسيه وااااااايد تأثر على البشره جي بتزيد حالتج اكثر واكثر ….

حياتي انا كانت بشرتي كلها احبوب من عمري15 سنه تقريبا والحين عمري 25 , بس اتصدقين الحين واااااايد ويهي خف والله يمكن احيانا تطلع حبه وتخوز والبقع باقي شوي, وااايد اتكلم صح خخخ انا عالجت عمري بنفسي بعيد عن لحبوب كله كريمات ,بنصحج بمحلول هذ كل الدكاتره ينصحون فيه بس يبالج تستمري عليه لين اتحصلي نتيجه حلوه اسمه zineryt هذا الصراحه فنان وعند كريم benzac AC هذا بعد حلو اتحطين المحلول قبل ماترقدين واذا ماتداوين حطي منه مرتين , بس لازم تستمري عالاقل شهرين ثلاث اصبري وتحملي وعقب اذا ويهج خف اشالله عندي اسمه دوى حق البقع واااايد حلو بتدعيلي المهم الاستمراااار وبس ….

حبيبتي افحصي على الهرمونات هي سبب الحبوب يعني بسولج تحليل دم سيري وأن شاء الله بيخوز لا تحاتين اقري على عمرج القرآن فيه شفاء من كل داء وحاولي تاكلين الثمار إلي وردت في القرآن وخففي من الزيوت و الكاكاو والدسومه ولا تسمعين بالخلطات لانها ما تفيد بس كلام الدكتور و الكريمات إلي بيعطونج إياه