شلوونكم بناات و شخباركم
اول شي اقوولكم انت منتدااكم روعه و اينن و احس كل البنات على قلب واحد =)
ابدي في مشكلتي
يا بنات انا اداوم في شركه شبه حكوميه في دبي و انا اصغر موظفه عندهم
اشتغل سكرتيره المدير العام
و كل الشغل فوق راسي يعني اي شي خاص للمدير يحذفه علي و هو طول الوقت بالمكتب مجابل النت
و كله مو عاجبه
يعني انا يديده و هذي اول مره اشتغل في البدايه اكيد شغلي مو ذاك الزود عالاقل يقدر يقولي بطريقه حلوه صح ولا لا
بس الحين صرت اشتغل صح بس هو مو عاجبه لازم يطلع حجه ثانيه
يعني يقعد يتامر علي و يقولي سوي و سوي و سوي و انا كل هذا مسويته
و اذا ماعنده شي يبطل الفايلات و يقولي شنو هذا عفسه عيدي رتبيهم مره ثانيه يالله لا تقعدين فاضيه
والي يقهرني يعاملني جني خدامه مو سكرتيره
قومي سويلي كوفي !!
روحي قطي هذا بالزباله !!
اعتقد في ناس هناك هذي شغلتها
يعني يشوفني بعز شغلي يقاطعني يقولي روحي سويلي كوفي حتى من غير نفس ولا عالاقل كلمه لو سمحتي
و يقعد يتطنز على شغلي جدام الموظفين و يفشلني و صج يحسسني اني ياهل و صغيره و يقلل من احترامهم لي
والله يا بنات ماعرف شسوي صرت افكر اني اطلع من الشغل و انا غصب غصب لقيت هالشغل و خاصه اني بعدي للحين بالجامعه و مو مواطنه ( كويتيه )
قوولولي شسوي
حاولت اني انغز لخ كذا مرا قلب السالفه علي و اني انا مهماه في الشغل
و على فكره يا بنات حتى في يوم اجازتي اذا هو متوهق و يبي احد يساعده يتصل و يقولي تعالي الدوام اليوم
والله يعينج صج ع ها المدير
اذا قالج تسوين له كوفي لاترضين قولي انا هنيه سكرتيره مب خدامه
والعقد اللي وقعته مب مكتوب فيه اسوي كوووووووفي
ان شالله تلاقين شغل 2 وتفتكين من شيفته
بس مشكله وين الاقي شغله ثانيه و الله تعب على مالقيت هالوظيفه
مايحق له اصلا يطلب منج هذا كله وحوبه دوري شغل ولاتتريين ودوري ولاتخبرينه
دوري سبحان الله يمكن تلقين شغله احسن من هذي
حبوبه ربي يصبرج ان شاءالله ولاتنقهرين لو قالج سوي كوفي قولي مشغوله او انتي اتصلي في الاوفس بوي او الي يسوي كوفي وخبريه يسويله كوفي
ولو تم يذم في شغلج ومضايج قوليله مو عاجبك شغلي خلاص لاتطلب مني اشتغل ولا تتصل فيني في اجازتي عشان اداوم
وقوليله اتريا ورقه منك انك تصرفني لاني ماتحمل هاللي تسويه
خليه يحس انج قويه شخصيه ومب في حاجته ولاتقديمن استقالتج لو طلب منج قوليله انا بشتغل على شغلي وبس ولو مو عاجبك عطني ورقه واصرفني وخلاص وصدقيني راح يعاملج باحسن من جذيه لانه بيحس انه غلطان
هو متصرف جذيه لانج صغيره وخلج اكبر عن عمرج وخليه يحسس انج في ويهه وماترضين على نفسج
في النهايه ربي يوفقج ويهنيج حبوبه وان شاءالله تنفرج