تعبت من الغيره والحسد بين الحريم وانعزلت الناس

بنات والله اني محتاره من هالحريم اللي في هالزمن ومب عارفه وهو مجتمعنا اللي جذي ولا كل المجتمعات …………؟ انا بتكلم عن المجتمع اللي انا عايشه فيه صدق كرهته وكرهت اسير عند حد من اهلنا او معارفنا والله يابنات بس اسير بيت اهلي واخواتي ……وناس يعزموني اعرفهم و من اهلي وما اسير من اللي اشوفه واسمعه كرهت جمعاتهم كل وحده تحش فالثانيه ومن ايلس ويا وحده حشت فالثانيه وطلعت عليها رمسه مب فيها واتظهر عمرها هي العاقله الرزينه المدينه وهذيك اللي استغفر الله حتى لو كانت اقرب الناس لها .. ومن جذي عرفت مثل ماهي تتكلم في الناس اكيد يتكلمون فيني.. لا واي حركه وحده تسويها عفويه قالوا فيها الف معنى وهي تقصد مادري شو ؟ والله اني بتخبل وين وصل بهم الحقد ؟ ومن غير الغيره والحسد هذا يباله الف سطر كل وحده الا تسب في لبس الثانيه وتسب في كشتختها اذا الوحده كاشخه ومرتبه قالوا دفشه وعنقاشيه واذا ماكشخت قالوا مهمله وماتعرف تلبس يعني شو تبونها تسوي تمووووت عشان ترتاحون .. واذا وحده لابسه ساعه غاليه او شنطه غاليه قالوا جذابه تقليد هاي مب ويه ماركات انزين انتوا شو يخصكم تلبس تقليد ولا ماركه صج بتخبل والله اني انعزلت عن الناس لاني ما احب اسمع هالكلام لانه مستحيل ايلس عن وحده ماتم تحط ع فلانه وعلانه اولا انا الحمدلله واثقه في عمري وفي كشختي وفي لبسي وفي عيالي وما اسمح لاي وحده باي انتقاد لاني اعرفهم ماينتقدون محبه الا غيره وحسد وهالشي كلهم يحسبون له الف حساب ماحد يروم ينغزني لانه ما اسكت اعطيها كاااش لاني ما احب اللف والدوران انتي تقصدين جي يعني؟؟ واسكتهم ما اجاملهم .. والله لانه من اللي اشوفه يجاملون بعض وتقولون حبايب ومن ورى بعض كل وحده تحش فالثانيه
والله اني تعبت منهم وكرهت جلساتهم وعزايمهم وصرت اتجنبهم الا فالمناسبات اقوم بواجبي واروح والكل لاحظ علي هالشي يقولون انتي اعتزلتي عن الناس شو فيج ؟ مادري شو اقول؟ بس والله اني ارتحت وااااااايد واحس براحه نفسيه
وابا اعرف انتوا تعانون من هالشي ولا بس هالشي عندنا ؟؟؟؟؟؟؟؟

الحمدلله هالشي مب عدنا بس طبيعي فيمعاات الحريم لازم تستوي هالسوالف

الله المستعان

الغيبه و النميمه صارت موضه لبعض الحريم ,,

بس الغاليه لازم تتجنبين هالقعدات عسب لا تؤثمين ..

والله مب عارفه شو اسوي احس مرات انهم يقولون شايفه عمرها وماتيي في عزايمنا وانا من اللي اشوفه كرهت هالعزايم

نفس حالي انعزلت عن الناس والسبه الحسد اعوذ بالله منهم

فاكه عمري ما زور الا امى

والاهل والجيران في المناسبات