انا من 2024 ادرب الحمد لله نجحت في الباركن من ثاني تراي اما المدينة هذي رابع مره ارسب فيهاااا الكل الي يشوفني يسالني خذيتي الليسن اقولهم لا ويتموا يتمصخروا علي اونهم هم خذورا لليسن من اول شهر والي خذت الليسن من عقبي اتم اسوق وتدلع عدالي وتقولي انتي بعدج انا خذيت باول تراااااااااااااااااااااي
انا الحمدلله اعرف اسوق جدام الي الي ادربني بس عدال الشرطي ارتبك ويرسبني حتى الواسطه ما نفع ويااااي
واخر مره كان عندي طمووووووووووووووح كبير اني انجح والحمد لله خلصت الاتراي ولا غلطه بس اتفاجئت ان الشرطي حطالي كل غلط وكتب لي ضعيفة والله تميت اصيح صياح واتعقدت قلت خلاص ماراح ادرب مره ثانية
وبعدين اشجعت وسويت موعد وموعدي بيوم هالاربعااااااااااااااااااااااااااااااء بنات الي ما تعرف كيف تقدر اشجعني تدعيلي بس اني الله يوفقني فالاختبار وانا انجح
بالتوفيج
عليج بالدعاء .. ادعي الله سبحانه انه يوفقج وانج تنجحيين ولحي في الدعاء ..
وتوكلي على الله ..
ولاااازم لاااازم ما تتوترين .. لازم تكونين ريلااااكس .. لانه اذا توترتي ما بتسوين زين
والشرطي اللي خذالج لا تمين تفكرين فيه .. كأنه مب موجود .. ركزي اكثر شي في الشارع
ولو تسألين الشرطي ليش رسبج يكون أحسن .. عشان تعرفين انتي في شو غلطتي وتجنبين المرات الياية
ولا تييأسين ابدأ حاولي مرة وثانية وثالثة لين تنجحين
والله يوووفقج وتاخذين اللسين ان شاء الله
بصراحة التراي شي مو سهل
بس لازم اتقوين قلبج
اكيد الشرطي لاحظ ارتباكج
لا ترتبكين
حطي في بالج هالتوتر والارتباك ما بيادي الا الى الرسوب
بس ثقتج بنفسج بتادي اكيد لشي واحد باذن الله
النجاااااااااااااااح
ماعندي فكره والله . . انا توني آخذ كلاسات نظري و عقب ببدا التدريب و هالسوالف
بس حاولي جدام الشرطي تكونين عادي و كوول . . تخيليه المدربه ^_* لا ترتبكين
و قبل ماتظهرين من البيت و طول مانتي فالدرب سايره تمتحنين
كرري آيــة
“ أَلَمْ نَشْرَحْ لَكَ صَدْرَكَ وَوَضَعْنَا عَنْكَ وِزْرَكَ الَّذِي أَنْقَضَ ظَهْرَكَ وَرَفَعْنَا لَكَ ذِكْرَكَ فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا فَإِذَا فَرَغْتَ فَانْصَبْ وَإِلَى رَبِّكَ فَارْغَبْ ” (سورة الشرح).
ربي يوفقج الغاليه و ييسر أمورج
و إن شالله البنات إللي عندهن فكره مابيقصروون
انا سويت جذي
والحمد لله نجحت
بس انا خبله ما اعرف اسوق ،، من سنه ونص ماخذه الليسن بس ما اعرف اسوق