تعلق الطفل بالألعاب . . صح وإلا غلط !! شاركونا آرائكم

موضوع خطر على بالي من فتره ..
وهو تعلق الطفل بالألعاب … تعتبر عادة زينه وإلا شينه !!!!!!
مثلا البنت الصغيره تحب يكون عندها عروسه .. تاخذها وياها وين ما تسير وترقدها عندها ف سريرها .. وتعلب فيها وف كل وقت .. والولد يحب تكون عنده سياره ولا كوره .. ودوم يلعب فيها .. ويحطها عند سريره ..

أنا الصراحه مب من المعارضين لهالشي .. بالعكس أشوف إنه شي حلو إنه الياهل يكون عنده لعبه مفضله .. ويستانس يوم يشوف شي من أشياء هاللعبة ويجمعها ..

ما أدري الأخوات .. شو آرائكن ؟؟ !!!

خلونا نستفيد …..

والله شيء حلو انا ولدي يحب لعوووبة جذا ما يخربها شيء عيال اليوم تاخذين اللعبة ويكسرها على طووول خخخخخخخخخخ

هلا وغلا

مشكورة الغالية على مشاركتج ..

على الاقل حصلت حد يأيد رايي .. ولدي يحب شخصيات كارز (والت ديزني )

وحده من الاهل قالت لي هالعاده غلط .. مع إني ما اشوف فيها شي غلط ..!!!!!