{وَلَسَوْفَ يُعْطِيكَ رَبُّكَ فَتَرْضَى }
(رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ )
{ وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا}
حبيت أفتح هالتجمع للمغتربات ف بلجيكا و اللي بيلحقوونهم ( أنا منهم ان شاء الله)
عشان نتواصل و نخفف الغربه و عشان اللي عندها أي استفسار تستفيد من المجربات و أصحاب الخبره و أدري محد بيقصر
أتمنى كل وحده هناك أو بتسافر قريب أو يتها الموافقه تسجل وجودها هني و اللي ماتبا هذي حريه شخصية أكيد
بس حلوو نكون قروب و نسوولف و نتشارك بللي ف خاطرنا خصوصا مع ضغوظات الغربه و العلاج .. كلنا نعرف كيف العلاج يكون طويل نوعا ما و متعب و مؤلم نفسيا قبل مايكون جسديا و يستهلك صبرنا و طاقتنا لكن لنا رب رحيم أمره بين الكاف و النون ..
و أهم شي مانريد كلمة محرومه في هالتجمع .. لان محد منا محروم بإذن الكريم الواهب كلنا صابرات مش محرومات و بيجازينا ربنا الكريم آخر صبرنا بالذريه الصالحه ان شاءالله 
و إن شاء الله هالتجمع يككون نشيط نفس أيام 2024 كانن البنات هابات ريح ههههه
أنا ان شاءالله سفريه قريب 
اللي طالعة لها الموافقة تقولنا عشان احط اسمها واللي هناك موجودة بعد ،،
نفس باقي التجمعات اللي عموما في المنتديات ،، نبي نخليه موضوع متفاعل
قبل كنت ساكنه في كسكاد و تون فلورنس بس الحين اريد مكان نظيف واهم شي انه يكون فيه حمامين
وينكن يابنات بروكسيل
ودمتم سالمين
يارب يرزقني وإياكم وجميع المسلمين بأكثر مما نتمنى
الحمدلله أنا طلعتلي الموافقة وأتريا الموعد , قالولي ممكن يطول
أختي سلام 85 الله ييسر أمرج يارب وتوصلين بالسلامه
بغيت أسأل كم خذوا وقت لين ردوا عليج بالموعد؟
خوااتي حتى اللى ريلها يشتغل في الشرطة اهم شي تبين تقرير من مستشفي حكومي في الدوله و تقدر تسافر على حساب الشرطة لانه فيه ناس مسافرين على حساب الشرطة
و اللى ريلها ما يشتغل في الجيش و لا الشرطة بعد تقدر تسافر على حساب الديون و لا على حساب الهيئة اهم شي يكون عندج تقرير من مستشفي حكومي و الله يوفق الجميع و يرزقهم بالذريه الصالحه
ودمتم سالمين