بادخل في الموضوع على طول.
خطبنا لأخو زوجي الأسبوع اللي طاف .. سرنا أنا (زوجة اخوه) وأمه وأخته .. وطلبنا البنت …. أمها قالت عطونا كم يوم نسأل ونتشاور ونرد لكم خبر …. واليوم اتصلت بأم زوجي وقالت لها: خلي الرياييل يتفضلون.
أم زوجي شوي تدودهت .. وما عرفت إذا الحريم المفروض يسيرون مع الرياييل .. والا الرياييل يسيرون بروحهم؟
هم من الشارقة والبنت من بوظبي .. وام زوجي خايفة يكون في اختلاف في العادات .. وحتى لما خطبوني ريلي هو اللي يا أول شي وطلبني من ابوي .. وعقب يا مع خاله واتفقو مع ابوي على كل التفاصيل .. وعقب زارونا الحريم من باب التعارف.
فياليت حد يفيدني بهالتفاصيل.
يعني الحين الرياييل يسيرون بروحهم والا أم المعرس واخته مثلاً يسيرون معاهم؟
إذا الرياييل سارو بروحهم .. هل هم اللي بيتكلمون في تفاصيل المهر والملجة وهالسوالف .. والا المفروض ام المعرس عقب تتصل بأم العروس وتسألها عن طلباتهم وتتفاهم وياها؟
ياليت بس تفيدوني بسرعة .. لأن الموعد عقب ثلاث أيام إن شاء الله.
وعقب الرياييل يروحون عسب يتفقون على سوالف المهر والشروط ومن هالكلام
المشاركة الأصلية كتبت بواسطة نونة الدلوعة 
وعقب الرياييل يروحون عسب يتفقون على سوالف المهر والشروط ومن هالكلام
نفس عاداتنا . بس مرة أم يوم خطبنا لأخوي أهل العروس بعد النظرة الشرعية قالوا خلوا الريايل والحريم يتفضلوا , ويوم رحنا الأب بس طلب المهر وقال الزهبة وباقي الطلبات والأمور عند الحريم , وفعلاً أم العروس وخالتها وأختها هن اللي طلبن الزهبة والذهب وترتبات العرس … الخ .
فأحسن شي أنه أم العريس تتصل بأم العروس وتسألها إذا بس الريايل يروحوا ولا بعد معاهم الحريم . وعادي ما فيها شي . ربي يتمم على خير .
و سوالف الزهبة والتجهيزات والعرس يتفقون عليها الحريم بينهم وبين بعض
بس الرياييل يخطبون رسمي و يقصون المهر