انا راعية موضوع ( تقدملي واحد بس متردده)
https://forum.uaewomen.net/showthread…01#post8404801
أنا ادري انه عيب احكم على أشخاص من لونهم وجي .. لكن شو اسوي بتفكيري ): .. وبليز محد يحط علي يوم اقول انه اسمر :< … ترا سمارته مثل سمارة الهنود .. واللي قالت حنطاوي هو مب حنطاوي.. لا .. سمار غامج .. ترا شي من البدو اللي يكون اسمر اسمر هو من هالنوع .. وفي شي ما خبرتكن عنه .. في ويهه صوب خده شرخ !! .. عقب عرفت انه يوم كان في الثنويه مضارب وجارحينه .. انا أخاف انه له نزعات اجراميه .. يعني يضارب وجي .. واخاف يضربني !! .. أخاف يريقني بطراق ويعشيني برفسه ):
بخصوص النقاب .. ترا قلتلكم مب متعوده .. الحين يقولي البسي نقاب عيل لو خذني بيقول فنشي من شغلج (على اساس انه داومي مختلط ) <<< بس هو ما يعرف !! .. وانا ما درست عشان ايلس في البيت
البارحه يا عدنا وابويه رمس وياه وامايه خبرتني شو صار امبينهم … الريال حاس انه نحن ما نباه لأنه طولنا عليه في الرد وصارلنا شهر من رمسنا وما ردينا عليه .. يقول جان البنيه ما تبغيني خلاص .. والزواج قسمه ونصيب وانته عزيز وغالي وبنتم ييران (ترا نحن في فريج واحد) .. قاله ابويه انه بيرد عليه خلال هاليومين
بصراحه حسيت من كلام الريال انه مب شارني .. لو شارني بيصبر وما بيتعلث انه طولنا عليه .. صح ولالا ):
أبويه عطاني لين باجر ويقولي اذا ما عطيتيني جواب بقوله ماشي نصيب .. وانا صليت استخاره كم مره بس ماشفت شي وبعدني متردده استغفر الله
لو انتي مكاني بصراحه بتوافقين ؟ .. لا تقسون عليه بردودكن :<
وانا خلاص باجر لازم احسم الامر .. واعطيهم رد .. بس اخر شي ابا نصايحكن وعواتكن
يعلني ما خلا منكن
وانا وياااج مع الشكل يعني لازم يكون مقبول لانج بتعيشين وياااه مب سنة والا شهر الا الدهر كله ,,,,
اموضوع النقااااب وهاي الاشيااااء لاحقة عليها وتقدرين تتحكمين فيها عقب اهم شي الحين تقتنعين بشكله لانه حسيت من كلامج انه اللون والشكل شوي مب عااايبينج ,,, يعني يا اختي مافيها شي لو رفضتي ,,,
واذا وافقتي واتمنالج التوفيق ,,, كوني مقتنعه بشكله …عسب تحبينه هذا اهم شي ,,,وصارحي بسبت دووووامج او حد من اهلج يخبره طبيعة شغلج ,,,,
انا معاج الوحده منا تدرس عسب تكون نفسها ’’’’ بس يلا ربي يوفقج ,,,,,
ماعرف بس بصراحه هذا راي انا لو انحطيت بمكاانج ,,,
واسمحيلي ع الاطالة ,,,,
وما خليتي عيب ما ذكرتيه فيه حرام موب زين ..
الله يهديج وما انصحج تاخذينه ،، لأن اتوقع يستاهل وحده اتقدره وما تفكر ابشكله
احترامي
كل اللي قلتيييه ما يقنع إنج ترفضييينه
و يبين إنج بس تحطييين لنفسج أعذااار عشااان ترفضييينه
ذا تحسييين عمرج مب مقتنعه بالمرة لا توافقييين
بس الريااال عمره ما ينعاااب بشكل ولا لووون
الريال بالمعاني
و إذا على النقاب اجبري خااطره ولا اقنعيييه باسلوبج انتي و هو و هذا بينكم =)
و إذا على العنف ولا رياااال ما اضااارب في أيااام المدرسة ولا أيااام المراااهقة ماااافي كلهم كانوا جيييه
صدقيييني الرياااال عقب العرس تقدرييين تحكمييين علييه مثل البطيييخة
و الباااقي علييييج والله عقب انتي تقدرييين تخلييين حياتج بيضا أو سودا
الريال طفل كبيييير تيييبه الكلمه الحلوة و الحنااان
توكلي على الله و واااافقي هذا رايي
و السموووحة عالإطااالة
فاكتب تحليلي على الموضوع هذا .. اول شي الاستخارة ما توضح لج شي انما تسهل الامور اسرع
فانتوا مارديتوا على الريال ونقعتوه شهر .. بصراحة واااااااااايد
شكلج مترددة وااااااااااايد .. بس بغيت اعرف كم نسبة ترددج ؟؟؟؟؟؟؟؟؟ اذا اكثر من 60 لاتوافقين وان شاء الله ربي يعوضج بخير .. لا تجبرين نفسج على شي انتي ماتبغينه
اما اذا كان عمرج فوق 27 .. والريال مصلي وطيب الاخلاق بين الناس فاختي وافقي ولا تضعيين الفرص .. اما عن لونه فهذا طبيعي سمرته حتى لو كان مثل الهنود .. شو يعني ؟ الريال مايعيبه شي .. الريال لونه مب مثل الفحم عشان ترفضين
وربي يوفقج يارب ويسهل امرج
ماأقدر اقولج وافقي ولا لأ
القرار بيدج
لكن بعد صلي استخااره
يعني احسج خلاص ما تبينه وخاايفه اذا وافقتي عليه تندمين !!
الله ييسرلج اموورج ياارب واذا واافقتي عليه الله يسعدكم ان شااء الله
واذا لأ فان شاء الله الله يعوضج الي احسن عنه
والسموحه
بس انا من استويت وانا دوووووووم اتردد في كل شي
بلييييييييز لا تفهموني غلط .. هذا طبعي ):