كنت في اجازة سنوية في شهر 2 ومن كثر ما مدحوا البنات منتجع جال قلت اروح اشوفه عن خاطري…. الحجز كان تاريخ 7 فبراير… قعدت بس ليله وحدة… السعر كان 650 لشخصين مع بوفيه ريوق…. المنتجع حلو ونظيف… طبعاً مليان اجانب وكلهم على البحر… يعني كلهم بمايوهات…. رياييل وحريم…
من جهتي ماعرفت ارقد… ما ادري ليش… الشبرية مزعجة او تغيير المكان مأثر…
هذه الصور وان شاء الله تعجبكم..
الفندق ورقم الغرفة والممرات….
طبعاً ولدي من شاف الممرات قام يركض….مستانس…
الغرفة والحمام كرمتوا…
صور للشاطئ… واحواض السباحة… واماكن لليلسه على البحر…
حاولت احط لكم الصور اللي ما فيها ناس… لانهم في كل مكان ما شاء الله…. بس ولدي اللي موجود…
صورة اللوبي والفندق من برع واحنا مروحين….
عامة المكان حلو وهادي بالذات العصرية… الصبح يكون زحمة… والناس كلها على البحر….
حياكم الله…
وماشاء الله عليج أبدعتي فيه
