تقريري الجديد للقريه العالميه مدعم بالصور والكل يشارك

رجعت اكتب التقرير للقريه العالميه من السنه الحاليه

بعد ما لقيت صدى في تقريري السابق وماشاء الله اشوف البنات بعدهم يرفعون مووضوعي الاولي وهو من دون صور قررت احط موضوع جديد

هالموضوع بيكون لكل مشترياتنا من القريه

اتمنى يكون بالصور والاماكن والاسعار
نفيد ونستفيد

بحط لكم الصور

ومشترياتي من القرى

على 4 سيرات لي القريه

القريه الكبوووديه

سماعه للاب توووب حلووه اعتقد عطاني 60

وكفر حق psp حق بنووتي 25درهم

ولزق حق الظهر حااار وزين ب 70

من القريه التايلنديه

فيونكات للشعر 4 حبات ب 10
لات اتجادلونهم كلهم نفس السعر

وهالكنادير خفاف ب 100 الوحده وشي منهم الوان واشكال

والحين وصلنا القريه الاماراتيه وبما ان اختنا العزيزه على قلبنا توته الحلوه ام خليفه موجوده هنيه
في ريانة العود للدخون والعطور

لازم امر واشقر عليهم
وشهادتي في بضاعتها مجروحه

مشترياتي كالتالي وكل شي حلو ،،من دون مجامله الفلوس في اغراضها حلال والله والله يعلم اني احبها في الله من سمعتها الطيبه في المنتدى

الدخون الملكي متعوده عليه من كم سنه ب 120
وهالمره خذت العود الذهبي فناااانه ريحته حق بو العيال لان بغيت العود الكمبودي والبياعه قالت مخلص قلت بنجرب هذا وطلع حلو وفي نفس المستوى

وعطر الضيافه 300 درهم والمميز250 درهم وااااااااااو على ريحتهم

الضيافه هب اول مره اخذه ريحته غرااام وتلصق في الثياب

والمميز اول مره اخذه وحبيته واايد واعتقد بيكون الاول هالسنه في تقيمي لاغراض ام خليفه
على ما قالت صدق انه مميز

البلاك لذر خذيته لابو العيال لان هو الي يستعمله وايد يحبه وكل ما يخلص ارجع اطلب منه

وخذت بعد مخلط الملكي والخاص ططططططططططر ريحتهم ب 120

حق الشيل والعبي والله اتم ريحتهم فيها وايد

والزعفران خذته 160 الحين غايته في الشتا حق الزنجبيل بالزعفران لذييذ ف البرد

واخرشي خذت فيونكات الكرستال اختي ماخذه من الوشيعه مثلهم القطعه هب اقل عن 150

بطلت عيوني حصلت بهالسعر 2 ب 100 واعتب على ام خليفه المفروض تنزلهم في المنتدى بس ماحصلت ولا موضوع عنهم؟؟!!!!

وشي تلبينه ماخذت منها في المرات الجايه ان شاء الله البزار والتلبينه دورهم