تقريري المصور لكوالمبور 2024

السلام عليكم والرحمة

جيف الحال.. عساكم بخير….
حبيت انزل لكم تقريري المصور عن كوالمبور (ماليزيا) وكل المناطق السياحية اللي فيها … وانشا الله يعيبكم و تستفيدون منه…
الرحلة كانت على طيران : الاتحاد
التوقيت : يناير 2024 ( على فكرة الجو عندهم كان شوي حار بس مش مثل حرنا … أفضل وقت للسفر في شرق اسيا عموما شهر 6 و7 )

*الانطلاق*

هني فالمطار كان عندنا birthday فقلنا بناخذ لنا كيك وسوالف وبنحتفل فالطيارة ( على فكرة اذا كنتوا تبون المضيفين يرتبون لكم حفلة كاملة في الطيارة تقدون تطلبون هالشي لما تحجزون التذاكر << وايد حلوة الفكرة)

وايد حبيت دزاين هالطيارات

مغادرة بوظبي

الجو كان مغيم ( احلى شي لاحظوا شعار الدولة)

الريوق ( ما حبيت اكل طيران الاتحاد)

هني من الملل .. قمنا نكتب عالدريشة اسامينا فالروج ونشخبط وحالة ونلعب X – o .. وكل ما حد مر من المضيفات يجوفونا نمسح ( احس فخاطرهم يقولون من وين نازله عليهم هذيل النظافة قاعدين ويمسحون درايش الطيارة ما يدرون فالبلاوي اللي نكتبها )..خخ

[/CENTER]

>>يتبع<<

*الفندق*
اسم الفندق : رويال بنتانغ فشارع العرب
المستوى : حلو ونظيف وسعره معقول
((بس مرة كنا فالفندق وكنا ماخذين 3 غرف وعدنا البطايق .. المهم كنا ندور على باجي القروب فتحنا اول غرفة جفناها ظلام طلعنا بسرعة عاساس اكيد محد فيها ، سرنا الغرفة الثانية البطاقة ما كانت تفتح ومبين انه في حد كان مدخل بطاقته استغربنا لانه هاي غرفتنا تمينا ندق الباب ولا تطلع لنا وحدة كورية عاد من الزيغة شردنا … عقب اكتشفنا انه كنا فالطابق الغلط <<<*-* لا تعليق << بس كيف انفتحت عندنا غرفة الناس فبطاقتنا ما ادري .. دريوا بالكم ).

مكان البوفيه

أهم الامكان السياحية فكوالمبور:

1- الجنتنغ:
احلى مكان فكوالمبور يبعد تقريبا ساعة عن شارع العرب بس المكان روعة لازم تصعدون فالتلفريك عسب توصولون لانه هو فقمة اليبل والجو يكون روعة بين الغيوم حتى المطر تحسون انه وايد جريب منكم يوم يطيح لا تفوتونه وترومون تقعدون كمن يوم فالفندق فوق..

هاي الصور فالطريج ل(جنتنغ) ..<< حتى الطريج حلو

التلفريك < تقريبا ياخذ 20 دقيقة

احلى شي انه في دريشة صغيرة فالتلفريك ترومون اطلعون يديكم منها << نحن تمينا نصارخ ونرمس اونه الغابة بتسمع الصوت وبترد علينا ..××خخ

في صالتين العاب وحدة داخلية ( احلى لعبة الطيران ..يعلمونكم كيف اطيرون بدون الجاذبية ويعطونكم عقب شهادة طيران .. وايد نايس << الحينه فتحوا نفسه فدبي في مردف سيتي سنتر).. وتقدون تتسوقون بعد لانه في محلات..

والعاب خارجية << صراحة قمة فالروعة .. ومن كثر ما كان المكان حلو للاسف ما صورت لانه انشغلت بروعة المكان عن التصوير وما تمت لعبة خطيرة ولا عبيطة ما ركبناها ( نظامهم انه تدفعون مبلغ قبل الدخول وعقب ترومون تلعبون في كل الالعاب )

<<يتبع>>

2- صن وي لقون

حتى هذا المكان وايد روعة .. ونفس الشي ترومون تقعدون فيه كمن يوم .. لانه هو عبارة عن فندق ومول وحديقة العاب مائية في نفس المكان..

وهني دخلنا السكيت وايد نايس << بس للاسف كنا مستعيلين وطلعنا بسرعة ..

3-البرجين التوام Twin tour .. هذا معلم يميز ماليزيا وفيه مول بعد حق التسوق (عفكرة لازم تسيرون الصبح من وقت بس عسب تروون تدخلون)<< وفالصورة بعد مبينا منارة كوالميور.

وهاي الصورة ليلا

بتنزلون فالطابق 41 اللي هو الممر بين البرجين عسب تتطالعون تحت و هالبطايق يعطونكم اياها قبل لا تدخلون وفي بعد فلم بيرونكم اياه عن البرج قبل لا تصعدون فوق..

وهاي صور صورتها من فوق ( على الفكرة المكان تحت وايد حلو وتروم تتمشون عبارة عن ممشى وفي مسبح صغير حق اليهال) ..

<<يتبع>>

4- متجر الجوكليت chocolate outlet
المكان عبارة عن اوتليت صغير كله جوكليت وحلويات لذيذة .. وايد حلو المكان عسب تاخذون منه هدايا وفي هدايا تكون جاهزة ومغلفة بطريقة وايد حلوة.. بس للاسف ما عندي صور وايده له ..

5- رويال سلنجور

عبارة عن مصنع يرونكم كيف يصنعون الاشياء بطريقة يدوية

ترى كل هالاشيا يصنعونها حذالكم فايديهم

وهنا يشربونكم عصير بس صدق بارد يبرد عالقلب

وهذيه جنهم مدرسة ياين زيارة

6- حديقة الفرشات والطيور
هم ثلاث حدايق جريبين من بعض ( انا ما حبيت المكان وايد حسيته ممل .. دخلنا حديقة الفراشات وبدال ما نجوف الفراشات تمينا نحن نتصور بروحنا .. )

7- عشاء ماليزي
سرنا حضرنا عشا ماليزي في منتجع كانوا مسويلنا عروض ثقافية واستقبال وبوفيه كله اكلات ماليزية
هاي الطاولة اللي كنا حاجزينها (للاسف كنت ابا اصور العروض اللي سوها بس الكيمرا والموبايل فضوا ما فيهم جرج لانه هاليوم كنا طالعين من الصبح وما ردينا الفندق لين فليل).

<< ترى بس هذا الشي الوحيد اللي عيبني من البوفيه

<<يتبع>>

8- شارع العرب
احلى شي فشارع العرب تايم سكوير بروحه يباله يوم كامل حق الشوبنغ روعة وفيه بعد سينما 3D وفيه العاب وايد حلوة بس للاسف ما اتفيجت اصور..( وجهة نظر : اذا سرتوا التايم سكوير ما له داعي تروحون السوق الصيني china town لانه نفس البضاعة .. الفرق انه فالصيني وايد يرفعون السعر ولازم تمون ترخصون لين اقل عن نص السعر <<صراحة عوار راس ))