مرحبااااا ببنات سيدات الامارات الغالي مثل ما تعرفون ان بو الشباب محد ف مهمه وما ينزل كل شهرين او 3شهور لمده اسبوعين ويوم يكون الجو حلو ابا اظهر اقردنه لين ما يوافق خخخخخخخخ المهم خبرته انا ابا اسير سوق الجمعه وبرد لان الجو حلو وخبال قاااالي لا كيف وليش وكله شاحنات قلته الرب حافظ ووافق فاتصلت ع وحده من البنات الدراسه هى الوحيده كل ما اقول لها شيء قالت تم ومن حلات الجو تخبلت وسرت السيجي ودبا والصدمه وصلت الفجيره بعد خخخخخ كيف مادري يالله بسم الله نبدا حبيت اهديكم هالصوره من بيتنا الحلو ونتمنى نشوووووووووووف ردودكــــــــــــــــم الحلوه عسب نكثر من الصور علشان خاطركم
وهاااا شارع بيتنا خخخخخ
وهااااي بدايه الانطلاق من شقتي لبيت ربيعتي يعني بدايه الحواطه كانت ع الساعه 11ونص
وف الدرب حبيت اصور لكم صوره علم بلااادي الغالي
وهالمنطر قريب وادي السيجي
وهااا يقايا نهر او بحر او مستنقع الوااادي خخخخخ
وها الصوره من جهة اليمين للوادي يعني طلع جاااف
تكمله للوادي
واهني وصلنا لسوق الجمعه والله شكلي كااان يضحك وانا اصور حسيت الناس تقول طع كيف واااقفه وتصور المهم ما علينا منهم
منو يباااااا اكيد الكل يالله صفوا دور دور
وصورت لكم ماي النارييل لاني حبيت شكله وبعد ما يغلى عليكم
ياااااااااااااسلام والله شكله يشهي
واهني شوفوا الساعه 2:13 مع ذرتي الحلوه
واهني خذنا لنا الغداء وهذا كااان غداااي وهاليوم طلقت الرجيم بال3
وهني قريب الدبا حصلنا كشك وحده اماراتيه تبيع واشتريت بسبوسه لليهال
ومزيد من طباخها
واهني لسته طباخها بس حليب زعفرااان كان لذيد
فدييييت غيوووم بلادي والله
وهني بعد نفس الشي انا من النوع اللي احب الطبيعه
وهالدورا حبيته وانا سايره جده الفجيره اول مره اسوق بروحي مع ربيعتي بهالدرب كانت مغااامره حلوووه والله
مقتطفات من الدرب ربيعتي الميوعه كانت تبا نبج وسنطره
والفواكه شكلها يغري ف الشارع اما ف البيت لااااااا
وصلنا الفجييييره
حباااايبي والله ربي يخليهم لي الشيخ خالد واخته ميره
حبيت شكله
والتل من صنع زهرة عيمااان وبنتها عواااشه خخخخخخخخ
وهالفندق نحيييس كل ما نبا نحجز فيه يا اكون مريضة او ريلي فيه شيء او عيالي فكرهته قبل لااسكن فييه
حلصت بهالكوخ مادري صندقه شبيهتي وقالت سلمي على بنات المنتدي واحلى حبيتين لكم خخخخخخخ
وفي النهايه اشكر زهرة عيمان لانها طلعت معاااي و اختي شيخة 18 لانها حملت الصور وطبعا بمبلغ وقدره …..
واتمني تقريري عجبكم وترقبوا تقريري الثاني لامارة العين ان شاء الله وبس
رحلة حلوه في جو حلوه…
دايما قولوا الاذكار ودعا الخروج من المنزل والله يحفظكم…
خاطري في ذره..