تقرير رحلتي الى () في شهر العسل ، بالصور وبالتفصيل

السلام عليكم ورحمة الله وبركاته ..

شحالكم بنات وشخباركم ..

اعتقد كلكم تابعتوا تقرير رحلتي في شهر العسل الى (( باريس )) ..
وها هو الرابط

https://forum.uaewomen.net/showthread.php?t=392123

ومثل ما قلت لكم في آخر الجزء ان كملنا 9 ايام في باريس وردينا الامارات ويلسنا تقريبا 12 يوم وبعدين سافرنا (( المانيا والنمسا وهولندا وبلجيكا ))

والصراحه شجعتوني بردودكم اني انزل لكم الجزء الثاني في اسرع وقت ..

واعتقد ان الكل متشوق ان يشوف ها الرحله وخاصه ان فيها النمساا اللي هي قلب اوروبا النابض ..

و اليوم بنزل لكم الجزء الثاني من رحلتنا في شهر العسل الى (( المانيا بالتحديد ميونخ ،، و النمسا ،، و هولندا ،، و بلجيكا ))

واتمنا ان ينال اعجابكم .. وبصراحه وااااااااااااااااايد تعبت لين ما نزلت الموضوع .. وتحميل الصور خذا مني وقت وااااايد لان الصور واايد بس علشان خاطر عيونكم كل شي يهوون . بس ع فكره انا نزلت التقرير من قبل كم شهر والصور امتسحت ورديت مره ثانيه اصغر واحمل الصور عشانكم

واتمنى من كل وحده تقرا الموضوع تدعي لي ان الله يوفقني في حياتي وان الله يثبت حملي ويرزقني بنوته قمر مثلي ..

تاريخ المغادره 13 / 7 / 2024
تاريخ العوده 23 / 7 / 2024
من مطار دبي .. طيران الامارات .. الى مطار ميونخ مدة الرحله تقريبا 5 ساعات ونص ..
وكنا نستعمل كيمرتين ..

هاي كيمرتي

وهاي كيمرة ريلي ..

يعني الصور اللي فيهن مكتوب تحتها التاريخ ها تصويري ..
والصور اللي مافيهن التاريخ ها تصوير ريلي من كيمرته .

الحبن ببدا في موضوعي وبخبركم كل شي بالتفصيل الممل اوكي ,, بس ابا اقول شي قبل ما ابدااا اللي تبااا تقرا التفاصيل واللي ما تبا بس تشووف الصور لاني احب اكتب كل شي بالتفصيل ’’

الجزء الاول ..
تاريخ 13 / 7 / 2024

حجزنا التذاكر يوم الجمعه ..والسفر كان يوم الاحد يعني بسرعه رتبنا كل شي ومادري ليش هاذاك اليوم كان وايد نحس المهم طلعنا الساعه 12 الظهر وسلمت على اهلي ورديت البيت وحملنا الشنطه .. وسرنا المطار ع الساعه 1 ونص الظهر يعني وايد متأخرين لان طيارتنا كانت الساعه 4 العصر ،، المهم وكنا شاكين ان نسينا شي وريلي يقول انا متأكد ان ناسين شي وانا اقوله لا كل شي موجود ، المهم ونحن في نص الدرب اكتشفنا ان تذكرة ريلي مب موجوده وتذكرتي موجوده وماعرفنا شو نسوي اذا ردينا بيتأخر الوقت وايد ,, اتصلت لابويه وخبرته قال خلاص تعالوا المطار وانا بتلاقى وياكم وبطبع لكم التذكره وبعطيكم اياها ،، الهم وصلنا المطار وتلاقينا ويا ابويه وما قدرت اتحمل والدموع في عيوني والله والله قلبي كان يعورني وااايد(( الفراق وايد صعب )) المهم حتى هو كان وايد متأثر فديته .. وعطانا التذاكر ولويت عليه وسرنا علشان الوقت ..
دخلنا المطار وانا شكلي متغير 180 درجه والله بس على ريلي كان متحملني لان كنت مضايجه وايد وشكلي يبين عليه المهم تمشينا في المطار وخلصنا وسرنا وركبنا الطياره والمشكله ان الرحله كانت غير عن باريس .. رحلة باريس وااايد حلوه في الطياره .. بس في الطياره ونحن سايرين ميونخ ملل وضيج ماعرف ليش المهم تعبنا في الرحله والله ووصلنا بالسلامه مطار ميونخ ونحن طبعا ابدااا مب مسوين شي لاحاجزين لافندق ولا سياره ..

كانت عدنا شنطه وحده بس ..لان يوم سافرنا باريس كنا شالين شنطتين وحده حقي ووحده حق ريلي .. وبصراحه تلعوزنا فيهن .. المهم في ها السفره شلينا شنطه وحده بس ..

خلصنا وشلينا الشنطه وسرنا مكتب تأجير السياره في المطار طبعاا ولا مكتب عندهم سياره كلهن مخلصات ما شاء الله السنه كل العرب في ميونخ والنمسا .. المهم قلتلكم ها اليوم كله نحاسه وانا كنت لها الساعه ضايجه لان الوقت متأخر وتعبانين والله .. المهم شفنا واحد مواطن عند مكتب تأجير السيارات وقال انتوا ادورون ع سياره قاله ريلي هي .. قال مستحيل تلقون لا هني ولا في محطة القيطار لمدة اسبوع ونحن يلسنا نفكر ان رحلتنا كامله 11 يوم يعني لازم نتصرف المهم .. طلعنا وخذنا تاكسي وقلنا له يودينا شارع المارين بلانس وبصراحه التاكسي عندهم غاليه وايد .. نزلنا في شارع المارين ويلسنا ندور فنادق ابداا ماشي حجز المهم اذكرت ان (( الغر الحشيم )) اللي ويانا في المنتدى موجوده في ميونخ .. والحمدلله ان رقمها عندي وانا بصراحه ابداا ماشفتها بس عن طريق المنتدى .. وقلت لريلي بتصلها وبخليها ادور لنا سكن في الفندق اللي هي ساكنتنه بس قال لا ما نبا نتعب العرب ويانا في نص الليل المهم قلنا بعد بندور وخلاص ماشي امل واتصلت فيها وفديتها والله ما قصرت دورت لنا ولقت لنا في فندق اسمه (( فندق اطلس )) وع طول وقفنا تاكسي وودانا الفندق ولقينا حجز لمدة يوم واحد بس الليله خذناها ب 120 يورو يعني تقريبا 600 درهم ولقينا ريال طيب في الريسبشن وقلنا له نحن نبا نستأجر سياره قال انا بحجز لكم من النت وانتوا استلموها باجر في محطة القيطار والله والله فرحنا من الخاطر الحمدلله ان تيسرت امووورنا كلهااا وحجز لنا سياره من شركة SIXT خذناها لمدة 9 ليالي ب 6000 الاف درهم تقريبا مع التأمين بس نحن خذناها من محطة القيطار فعلشان جي طلعت علينا غاليه بس في المكاتب اللي برع تطلع ع 2500 درهم بس نحن كنا نبا نخلص كل شي ونرتاح .. .. وخذنا مفتاح الغرفه وسرنا نرتاح وبصراحه في ها اليوم ما صورت لكم شي من التعب ولان الوقت متأخر …

وفي تاريخ 14 / 7 / 2024 نشينا الساعه 9 الصبح لان الجيك آوت الساعه 11 ورتبنا الشنطه وطلعنا وسلمنا لهم المفتاح واتجهنا صوب محطة (( الهابنهوف )) في شارع المارين بس بقولكم شي لازم تكون عندكم (( بطاقة الفيزا كارد )) لان ما ياخذون كاش .. الحمدلله استلمنا السياره وموجود فيها القارمن وارتحنا راحه نفسيه والله ..

وهني في الباركنات تونا مستلمين السياره وهاي صورتها

وكنا يوعانين ما تريقنا ولا شي وطلعنا بالسياره صوب ماكدونالز وتغدينا

وخلصنا الحمدلله وطلعنا نتمشا شوي من عقب التعب .. وخذت لكم ها الصور من ميونخ

يتبع ،،

وعقب ما خلصنا وارتحنا ع الساعه 2 الظهر قلنا لازم نقرر وين نسير وبصراحه نحن من يوم كنا في الامارات ابدااا ما خططنا لشي بس اللي سويناه حجزنا من تاريخ 13 / 7 والعوده تاريخ 23 / 7 ها اللي نعرفه .. بس انا كنت مسويه كتاب وفيه معلومات عن النمسا يعني ماخذه المعلومات من النت والحمدلله ان شليت الكتاب ويايا لان وايد نفعني .. كنت مطلعه اسامي المناطق بالانجليزي اللي في النمسا يعني نكتب الاسم في القارمن وهو يدلينا المكان (( القارمن اللي هو الجهاز اللي في السياره )) .. اذا تبوون بحط لكم الاسامي بس عقب ما اخلص من التقرير .. وها هو الكتاب

وريلي كان وااايد مضايج يقول ان ميونخ مدينه وضجه وما ارتاح فيها واتفقنا ان نسير النمسا ( زيلامسي ) ..المهم ترجمنا القارمن وخليناه ب ال English ولازم تكتبين اسم الدوله واسم المدينه المهم كتبنا في القارمن اسم الدوله Austiria اللي هي النمسا والمدينه زيلامسي (( Zell am see )) وانطلقنا وها ونحن في الدرب .. تقريبا من ميونخ لزيلامسي ساعتين ونص ..

وها هو القارمن .. والله واااااايد نفعنا ..

.. قبل ما نوصل النمساا لازم ناخذ ستيكر للسياره ونلصقه ع واجهة السياره … وها الستيكر موجود في محطات البترول، علشان نقدر ندخل النمسا واللي تشتغل في محطة البترول قالت عادي تسيرون فيها اوروبا يعني ها الستيكر مثل السالك اللي عدنا في دبي .. المهم دخل ريلي المحطه وخذها ولصقها ع السياره بس نسيت اصورها

وبصراحه الجوو كان رووووووووووعه وقفنا ع طرف ونزلنا نصور

وهاي سيارتنا

وقربنا صوب زيلامسي وكان باقي 2 كيلومتر

يتبع ،،

والحمدلله وصلنا بالسلامه .. ونزلنا الانفرميشن .. اللي هو فيه تقدرون تحجزون فنادق او شقق وفي معلومات عن المنطقه بس .. المهم دخلنا ولقينا لوحه وفيها الفنادق والبيوت اللي يستأجرونا وانا وريلي قررنا ها المره ماا نسكن في فندق قلنا بنسكن في بيت ويا اهل المنطقه ودورنا ولقينا غرفه في بيت قريب من البحيره الليله ب 200 درهم المهم حصلنا الرقم واتصلنا لراعية البيت وقالت ان عندها غرف فاضيه ودلتنا المكان وكتبنا المكان في القارمن وسرنا والحمد لله ما ضيعنا وها هو البيت

وهاي هي الغرفه ومستحيل انسا ها الغرفه لان (( دبلتي )) ضاعت فيها وجلبت الغرفه ودورتها ومالقيتها اوف قهر

وها المنظر من الدريشه

وطلعنا نتمشا وقلنا بنسير نتعشاا وها الشارع اللي مجابل البيت

بس بنات على فكره الفنادق اغلى بوايد .. بس اذا بتسكنون في البيت ويا اهل البيت يطلع ارخص بوايد..

الجزء الثاني

تاريخ15 / 7 / 2024

والحمدلله ان كنا وااايد مستانسين من الجو ونشينا الصبح وقلنا بنسير نتمشا بالسياره في زيلامسي ..

وهاي واجهة البيت من برع

وهني كنا موقفين السياره

وهني ركبنا قمة اليبل بالسياره والله مكان يخوف وااايد

يتبع ،،

نزلنا من اليبل وتمشينا بالسياره وشفنا التلفريك

وكانت الساعه

وخذنا تذاكر

وركبنا التلفريك

يتبع ،،

وها المناظر من التلفريك صورتها

وصلنا فوق وتمشينا

وكان وقت الغدا وشفنا ها المطعم في قمة اليبل طبعاا

يتبع ،،

وخذنا بيبسي وبطاطس

وخلصنا ونزلنا تحت بالتلفريك وسرنا نتحوط في القريه

ونحن نتمشا شفنا القوارب وكل الناس راكبين واستأجرنا قارب لمدة نص ساعه وها الصور ونحن في القارب ،، ونزلت لكم صور واااااايد ونحن في القارب بس بصراحه مناظر رووووووعه والجو احلى وبخليكم ويا المناظر اللي ترد الروح

اول ماركبنا القارب

وهني بدت اختكم ( أحبـ M ـك ) تتفلسف في السواقه في النمسا خخخخخخخ زين ماعطوني الليسن

يتبع في الصفحه رقم 2