تقرير رحلتي شهر 8 ل برلين صور -صور

هلا شحالكم ****لله طيبين حبيت اعرض الكم تقرير عن رحلتيه انا واهل ريلي ل برلين ها الصيف …………………….

كانت الحله من تنظيم ريلي من الالف الى الياء هو يحب ينظم رحلات سياحيه من محبين السفر ……. من تاريخ 182017لين2282017,,, 10 ايام ف برلين 12 يوم ف تركيا
حجزنا الطيران القطري من دبي ل برلين ومن برلين ل تركيا الطيران التركي ومن تركيا ل دبي الطيران القطري لان كانن الطيرانات الثانيات فل فل فل لانا كنا 10اشخاص بس الطيران الوحيد الي حصلناه يسدنا تقريبا التذاكر طلعن بحدود 40000تقيمي ع الطيران القطري و التركي صفر صفر صفر…….. تخيلو كنا راكبين الطياره الداخليه الي تكون ثلاثه يمين وثلاثه يسار وشاشه فوق وحده حق 6 اشخاص مسوين تعذيب حق عيونا ورقابنا تصدعين من مطالع التلفزيون عاد صوب والبرامج صوب كله رسوم قار ريلي لا تخافون هذي بس لين مانوصل قطر وبنبدل الطياره بتكون اكيد عوده مستحيل تكون نفس هذي الطياره بتودينا 6 ساعات ما بتتحمل تصدقو ان نفس الطياره ودتنا برلين مب حلوه بلمره اونها خمس نجوم لا خمس نجوم لا بطيخ اخر مره اركبها,,,,,,,

الحين اخليكم مع صور المطار

بليز محد يرد الين ما اخلص تقريري بالكامل عشان يكون متكامل التقرير بليز

صورالطيران القطري من الداخل والخارج

طيرانا الحبيب الجميل

قطر من الجو

يتبع

من الخريطه التلفزيون قربنا ع برلين

يتبع محد يرد

صور برلين من الطياره

يتبع

الحين ينا لبرلين حلوه برلين من عدة نواحي ف الصيف الجو واييد حلو براد الحراره ما تتعدا العشرينيات من ناحية العرب ما فيها وايد عرب مب نفس ميونخ متروسه من العرب تاخذين راحتج كيف ما تبين نحن كنا حاجزين بيت ف قريه تبعد عن المدينه ساعه تقريبا البيت طلع حق 10 ايام بس راعي البيت حسب علينا يحليله بس 8 ايام ب 17000 تقريبا البيت صغيوني تعرفون الاجانب مب نفس بيوتنا …. كان ترتيب البيت ع هالشكل صاله وغرفة طعام ومطبخ وحمامين وغرفتين نوم هاذا الطابق الارضي الطابق الي فوق فيه 3 غرف نوم اجمل ما في البيت حديقة البيت المطله ع البحيره تنسيج صغر البيت نحن اصلا البيت بيكون بس حق الرقاد كل طلعات برع تقيمي عن البيت والمكان الي ساكنين فيه 100% من ناحية النضافه والامان كنا مانقفل بوابت البيت الفليل حارتنا كلها شواب هذيلا قوم سن التقاعد بس تعذبنا من سالفت اعادة التصنيع كل نوع من انواع المخلفات له زباله الاوراق صوب والبلاستيك صوب وووو مالا نهايه عاد نحن سوينا الي يبونه عشان ما يقولون شي عن العرب ونحافظ ع البيئه
اتركم مع صور البيت والبحيره

هذي سيارتنا ماحصليتلها صور نوعها فان مرسيدس تكفي حق 9 اشخص ودسينا شخص تحت اريولنا اذا خطفت صوبنا الشرطه ريلي كان الي يسوق المرشد السياحي من هارتز حاجزينها نسيت بكم