واخيرا اتفيجت وقلت بحط لكم تقرير سفرتي لتركيا في ديسمبر والسفرة كانت 10 أيام
4 أيام في بورصه
و 6 أيام في اسطنبول
الجو كان روعه وبرد
انطلقنا من مطار دبي بطيران الامارات إلى مطار اسطنبول ومن مطار اسطنبول كنا مأجرين سيارة تاخذنا واتودينا للباخرة اللي بتوصلنا لبورصه
والباخرة نظامها ان السيارة تدخل فيها
ما أذكر اسم الفندق اللي سكنا فيه في بورصه
وصلنا الفندق وكان الوقت متأخر عندهم فبدينا التور اليوم الثاني
وكان اول تور واحلى تور سرناله في تركيا
معلومه:: ترى في الصيف عندهم مافي ثلوج فما بيكون في دراجات بس المطعم بيكون فاتح
خذنا تلفريك وصعدنا على قمة الجبل وأجرنا دراجه وكان الجبل كله ثلوج وسقنا على قمة الجبل وكان ويانا واحد يدلينا الدرب ويمشي جدامنا
وهذي صورة للدراجة اللي كانت جدامنا وكان امحمل وياه بترول احتياط
وهاذي صور للمناظر ونحن على قمة الجبل
وهني يوم ريحنا وهذي صور الدراجات
وهذا المطعم معروف على قمة الجبل والميزة انج تشوين اكلج بروحج ولحمهم وايد لذيييييييييييييييييييييييذ
وهذي صورة اللحم اللي شويته
وهذا صحني
يتبع
اليوم الثاني سرنا رحلة إلى بلدة في بورصه وايد حلوة
وسرنا مطعم في البلدة اتريقنا فيه وهذي صورة المطعم
وهذا اسم المطعم للي يبى يعرف مكان البلدة العنوان مكتوب
وهذا ريوقنا
وفي نفس اليوم سرنا الشلالات
يتبع
سرنا مطعم اسمه سكندر وكلنا سكندر هاذي اكله تركية معروفه عبارة عن قطع خبز محمص ولحم بالزبدة وروب
وبعد الغدى سرنا حديقة الحيوانات لاني ما احب الحيوانات ما صورت
وبعدها سرنا مول في بورصه
واليوم الرابع طلعنا من بورصه وكنا سايرين للباخرة متجهين لاسطنبول
يتبع .. اسطنبول
سكنا في فندق رتز كارلتون في اسطنبول والفندق كان راقي وكلاسيك والفندق قريب من تقسيم
وهذي غرفتنا
وهذا جزء من الحمام تكرمون
يتبع تقسيم + جزيرة الأميرات
إذا لقيت تشجيع بكمل لاني بصراحه وايد تعبت على التقرير
وابغي منكم دعوة حلوة
اتشووقت صراحـة ..
ربي يسعدج الغاليه ,,
بغيت اسألج حبيبتي الفندق الي سرتوه في اسطنبول كيف اسعاره ؟
لغرفتين ولمدة 10 ايام ؟؟