تقرير صالونات الحناء و الاسعار في دبي . انا ببتدي مع صالون بثينه

انا سمعت احلى مافي الدنيا عن هالصالون و حناهم ومعاملتهم ونقشاتهم … فقلت اجرب و ياليتني ما جربت
اول شي وصلت الساعه 9:30 ليلة العيد و قالولي بتنتظرين ساعه الى ساعه و نص قلت اوك ———————- طلعت من عندهم الساعه 3 الصبح
ثاني شي الاسعار مب طبيعيه؟؟؟!!! الاصابع فقط 180 من بعد ما كانت 60
الكف ليلة العيد 150 وقبله بيومين 120؟!
الكف وشوي زياده ليلة العيد 180 و قبلله بيومين 150؟
الكف و لين مابين الكف و الكوع 250
وياريت الحنا حلو …. يايبه حنايات من برا عشان تسد زحمة العيد … ولا تتكلم بقلة أدب و برود وتقل "اذا انتي مايبي سيري مكان تاني…!!!"
احنا لازم نتكاتف ضد الطمع و الجشع بهالطريقه … لو وحده رفضت السعر بترفض الثانيه و الثالثه بدل ماحنا ضحيه لاستغلال الحنايات و الصالونات و الخيايط و الجمعيات … حتى الكولا صار بدرهمين في محطات البترول في دبي

اتمنى تشاركون بخبراتكم هالعيد عشان نعرف كيف نتصرف مع هالنوعيه من الاستغلال …

الحمدلله انا اعرف احني اهم شي بناتي احنيهم وانا فديت اختي الحامل يت الين عندي وحنتني

الحمدلله انا فاكه عمري مااحب شي اسمه حنا الله يعينكم وليش مااتصلتوا الدائره الاقتصاديه واشتكيتوا عليهم حسبي الله ونعم الوكيل محد يدريبهم كل شي رافعين اسعاره والمعاشات مثل ماهي شو بنسوي

انا عن نفسي سرت صالون جراند فلورا وليتني ما سرت..قبل العيد كنت اتحني اصابع 60 والحين 150
كل النقشاااات الخفيفه 150 واذا هندي لا حبيبتي زيدي السعر والله قهر…والزحمه الله لا يراويكن…

وياليت الحنا كان حلو كان اي كلام …