طبعا شفت جم بنيه تسأل عن سفره العروس وانا اشوف اغلبيه البنات الي يسوون السفره تكون ناقصه مو كامله واهي الفكره يت من ايران وكل الايرانيين يسوون هالسفره بالبحرين يسمونها سفره العجم واهم وايد يسوونها وللحين.
اول شي السفره تكون بالملجه او يعني ليله الحنه.
اشياء اساسيه لازم تكون بالسفره
1- القران ( كرسي القرآن الخاص به)
2- القند ( السكر ) وهو يتفائلون به لجعل حياة العروسين احلى وكذلك العسل
3- شمعدان
4- ورد وزهور
5- فواكه
6- حلويات
7- مشموم وريحان
8- شبه والملح والبخور ( كل واحد بروحه مو مع بعض)
9 – شموع وايد على السفره تزين المنظر
10- بيض ملون طبعا مسلوق و ملون اما بألوان او قشر البصل او حتى تقدرين ترشينه باللون الذهبي
11- قفص فيه طيور الحب ينحط في وسط السفره مثل هالقفص (قفص خشب من الي اشكالهم حلوه وتقدرين تتفنين فيه وتلونين بالرش)
12 – الجوز الملون
طبعا هالحفله تكون بين الاهل والعروس اهي الي تسويها ويكون الديكور اخضر لانه يكون يوم الحنه
……
عاده حلوه وعجيبه وقت عقد القران (هذا اذا كان الملاج يملج في البيت)
ماء ورد و فيه ورد منثور و شويه شموع تطفو فوق السطح
البنت طول ما الشيخ يعقد عليها تكون رجليها في الماء و طبعا مغطيه بقماشه خضراء (انسي الشموع على شان لا تحترقين ما تسوى عليج عروس ريولج محرقه)
ولا تصيرين نحيسه وبخيله لازم يكون في اشياء give aways حق المعازيم 
بالاخير اخليكم مع صور امثله لسفره الملجه
ومشكورين
يلا الله يوفق الجميع ان شاء الله
بس الغاليه عندنا في الامارات ما شي سفره الملجه
اعتقد بس في البحرين
بس ماي ورد وريولنا فيها..مادري..حد يسوي هالاشياء عندنا..؟؟
تبين الصدق مافهمت حقو شو هاي بالضبط..
مشكوره عالصور والموضوع..