الله يعطيـ كل حرمه متزوجه الذريـة الصالحه يارب ..
بخبركم عن قصـه ولادتـــي بولدي البكـر سلطان بتاريخ 16-6
نبدا من تاريخ 1_6 … قالت لي الدكتوره يافلانه موعد ولادتج بيكون آخر شهر 6 يعــني 25-6 قلت لها على خيـر ان شاء الله وطلعنا من عندها وقلنا الحمدلله
عاد ونحن ياسين قالت امايه انها بتسير العمره وتبا تسير قبل ولادتي تدريبي عقب مابخليها تسير في رمضان لانه بيكون عندي بيبي بعده ثاني شهر
فقرروا يسـيرون العمرهـ بتاريخ 14-6 وبيردون تاريخ 19-6
وتوكلوا على الله وانا توكلت على الله لانه موعد ولادتي بيكون آاخر شهر 6 اذا مب بدايه سبعه
فاليوم الموعووود وتحديدا عقب صلاه الظهـر ,, حسيت بالم مب طبيــعي ,, حسيت اني خلاص بموووت وماقدرت اوقف .. قت لايكون بربي !!! اماااااااااااااااااااااااااااااااايه اول انسانه يت في بالي
امايه محد كيف بربي ؟؟؟ لا لا لا مستحييل … قلت مابخبر حد عن يستهمون علي
لكني ماقدرتـ دخلت الحمام شفت شــي من ينقال وهذا لي خوفني زياااااده قلت خلاص شكلي صدق بربي
ادور التيلفوون عشان اتصل بريــلي .. ولقيته واتصلت وانا ميته صياح ماظن فهم شي من لي قلته الهم انه فهم انه تعااااااااااال بسرعه بربي ..
ماعرفت شو اسوي وقتها غير اني اخبر ربيعتي وصديقتي حصه لي هي بنت خالتي وعلى طووووووول يت فديتها عندي البيت
انا ع الشبريه مب قادره اتحرك واصييييييييييييييح من الالم واصييح من يوم افكر انه امايه مب موجوده في البلاد وبنت خالتي فديتها ماقصرت حطت اغراض البيبي واغراضنا وتمت تهديني وانا مول مب قادره اسكت معنه قبل فتره الحمال ريلي خلاني اوعده اني ماصيح ولا اتألمـ لانه لي بيطلع هو ثمره حبنا حياتنا ونحن نباااااااااه نسيت الوعد ونسيت كل شـي حزه الولاده ..
وصـل ريلي بالسلامه وطيــــــرااااااااان للمســـتشفــــــى( ( مدينه دبي ))
ونحن في الدرب انا اقوله اتصل في امايه خلها اتي وهو يقوول حبيتي شكلج نسيتي الوعد ًًََ اي وعد يا عبيد الحين وانا بين الحياه والموت خخخخخخخ الصراحه كنت احس احساس اني بموت من كثـر المـ !!1 وطول الدرب اقرا القران والادعيه ويوم اذكر امايه اصييييييييح خخخخ خبله
وصلنا المســتشفـى .. وكشفت الدكتوره وقالتـ بعدهـ وقت فاتح 3
انا اترجيــت ريلي انه يخليهم يولدوني قيصــري لاني ماقدرت على الالم ورفضت اي نوع من المسكنات
ريلي وفق على اني اسوي عمليه قيصريه بس يوم راح عند الدكتووووووره خلته يغير راااااااااايه ورد لي مره ثانيه وقال لي لا حبيبتي تحملي الالم ولو زااد بعد اشوي بخليهم يسوون لج العمليه .. شكله اقتنع من كلام الدكتوره وقرر يخليني اربي طبيعي
امايه عرفت اني في عرفه الولاده بس فديتها ماقدرت ترد وانا ماكنت اتمنى اربي وامي مب وجوده
دخلت الدكتوره وكشفت وقالت ولاده وانا هنيه خلاااااااااااااااص كنت احس انه روحي بتطلع
الدكتوره تقول لي بووووووووش وانا مب قادره اقولها يبولي ريــلي الله يخليكم بقوله شـي
وبرع عماتي وريلي وحرمه اخوه وبنت خالتي ومحد طاع يدخل ويايه
انا مب قادره اربي واحس اني خلاص مب قادره وطاقتي قلت واحس اني ابا انام وواقات احس اني ابا اسير الحمام شعور لايوصف .. كانت واقفه يميني حرمه مواطنه كبيره قلتها الله يخليج اطلعي برع وخلي ريلي يدخل قوليله حرمتك تباك وماقصرت طلعت والدكتوره والنيرس يقولولي يلا بووووووووش البيبي بيختنق وانا مب قادره دخل ريلي وعلى طوووووول مسك ايدي وقال لي يالله يالغاليه لاتنسين وعدج لي وللي في بطنج انا اول مادخل ريلي وشفته ارتحت مع ني كنت مزهبه كلام لاني ابا اسوي عمليه خخخخخ بعدني مصره .. ماحسيت بعمري الا البيبي سلطان في حضني والحمدلله
وعقب كلهم تموا يقولون مارضيتي تربين الين مادخل ريلج عندج خخخخخخخ سبحان الله لو هو رضـى يدخل من البدايه جان ربيت من الظهر مب الساعه 10 فلييييييييل
وهااي قصتي وباختصار لانه في تفاصيل كثيره بس ماذكرتها
والله يخليلي سلطان وابوه
وادعيلي الله يرزقني بالذريه الصالحة
والله يحفظلج سلطان ^^
والله يخلي لج سلطان وابوه