تكلفة الشحن من الخارج

السلام عليكم

خواتي بغيت اتخبركم اذا بطلب من امريكا وعندي بريد هناك وارامكس هي اللي بتشحن الاغراض

كم تقريبا بتاخذ ع الشحن لو طلبت مثلا شنطة ؟
يعني ما فيها وزن وايد

ابا اعرف تقريبا ف حدود كم ؟

عزيزتي دقي عليهم واسأليهم أو شيكي بموقعهم

على حسب الوزن

يعتمد على وزن الشنطه
وبعدين الموقع اللي طلبتي منه يمكن يحطها في علبه ثجيله .. فيعتمد
أرامكس زادوا الأسعار من مدة .. وهاذي الأسعار من الموقع
أول نص كيلو 32 درهم
الوزن الباقي .. 24 درهم لكل كيلو
يعني لو الشحنه 5 كيلو مثلا :
أول نص كيلو 32 درهم
باقي الشحنه 4.5 * 24 = 108 درهم
المبلغ بالكامل يطلع 32 + 108 = 140 درهم

على فكره حبوبه .. تقدرين تدخلين على الموقع أول ماتوصل الطلبية بريدج هناك بتتسجل وعقبها بيوم أو يومين بيحطون لج مبلغ الشحن أون لاين بعد
أنا يوم أطلب عن طريقهم دوم أجوف الموقع عشان أتابع مكان الشحنه .. وألقى أنهم يحسبون مبلغ الشحن ..

مشكورات خواتي ع الردود