وأصلي وأسلم على خير خلق الله وأفضل العابدين سيد المرسلين محمد بن عبد الله النبي الهادي الأمين عليه أفضل الصلاة وأتم التسليم
أخواتي هذا الموضوع موجهه للأخوات اللاتي لبسن عباءة الرأس ولا بأس بمشاركة بقية الأخوات بآرائهن…
متى لبستي العباءة؟ وكيف كانت تجربتك صعبة أم سهلة؟ هل انت من عائلة ملتزمة ام عادية؟ كيف ثبتي؟ وكيف أصبحت حياتك بعدها؟
بانتظار تجاربكن اخواتي ربما ننتفع وعسى الله ان يهدينا وربما مشاركاتكن تكون سبباً لإلتزامي والتزام أخوات أخريات بلبس هذه اعباءة الساترة..
وجزاكن الله خيراً
وازيد فرح وسعاده اذا وحده وقفت تسألني عن عباة الراس وشي بنات يشوفون بنظرة اعجاب
في موقف مر عليه ما اثر عليه ورديت بكل ثقه لدرجه خليت الي يعلق يستحي ويغير رايه
الشخص الي كنت مرتبطه فيه كان يعلق على عباة الراس لانه ما تعجبه ويشببها بأنها عباة العيايز رديت خلني اكون عيوز في عيون الشباب محد يهمني غير راحتي النفسيه يكفيني اكون شابه تحت العباه ما يشوفني الا زوجي وانته المفروض يزيدك فخر انه حرمتك محد يشوف شي من جسمها غيرك انته من عقب هالكلام طلب مني كله البسها ولا اطلع من غير عباة الراس
أنا ما ألبس عباة فوق لراس
لكن أتنقب بطريقة كأنه عباه فوق الراس
في البداية كنت في الدوام…
محجبة .. بس أحيانا تطلع بعض الشعيرات برا
وكنت أشعر عيونهم حولي.. وخاصة مكاني مختلط جدا
ويوم بعد يوم أحس إني أبا أكون بنت جميلة… يمكن يخطبني حد
أدري كلامي جريء بس متأكدة هذي تفكير أغلبية البنات للأسف…
بداية الأيام حطيت كريم أساس
شوي شوي كحل
بلشر
جلوز
عقب رسم العيون عدل…
وشوية الشعر يضهر
وعيون الريايل علي بشكل ما تصورونه
كنت خجولة … بس متبرجة …
عقب قعدت أفكر وااايد.. شو صار فيني … وين حيائي وحشمتي وديني…
وين أنوثتي .. كلها ولت وراحت…
أنا من يوم كنت صغيرة وأقول أنا مخلوقة لأنسا واحد زوجي وبس…هو الوحيد اللي يشوفني
بس يوم داومت كل من هب ودب شيوف… حسيت نفسي رخيييييييصة …
هذي مشاعري وما أبا أي وحدة تقول كبرتي الموضوع … لأني أنا جيه…
بعد 5 شهور من الدوام والتفكير العميق… قلت خلاص بتنقب…
قالوا ما بتزوجين… قالوا بعدج صغيرة… قالوا وايد أشياء
ويوم دخلت عليهم متنقبة… أقسم بالله أحس إني أمييرة…
يوم أمشي الريايل يلتصقون عاليدار يخافون يلمسوني…
وإذا واقفة ما أـكلم وأقول لو سمحتوا هم كل ريال يقول لثاني وخر…
سواء مراجعين ولا موظفين…
بس البنات سوو علي هجوم …
قالوا ليش تلبسين… قلت لهم بس مرتاحة جي
سمعت استهزائهم وايد
بس طنشت … قلت في نفسي أهم شي حفظت نفسي لزوجي وبس
والله العظيم وااايد خطبوني في الدوام … من يوم تنقبت بس ما حصل نصيب
سواء مواطنين أو خليجين أو وافدين…
والحين أنا عمري 27 ن شاء الله ..
ولا زلت أنتظر نصيبي
أقسم بالله أحس إني أمييرة…
يوم أمشي الريايل يلتصقون عاليدار يخافون يلمسوني…
وإذا واقفة ما أـكلم وأقول لو سمحتوا هم كل ريال يقول لثاني وخر…
سواء مراجعين ولا موظفين
تقريبا من صف سادس بس ماكانت عباه كانت جلباب اسووود
وكيف كانت تجربتك صعبة أم سهلة؟
الحمدلله سهله
هل انت من عائلة ملتزمة ام عادية؟
ملتزمه
كيف ثبتي؟ وكيف أصبحت حياتك بعدها؟
من اروع ما يمكن ..صحيح ماعندي عباة الراس بس ناويه افصلها
بس الحمدلله العبي اللي البسها للسوق او برع البيت اتكون واسعه ومافيها فصوص وريلي دومه يقول لي احب حشمتج لانج لي انا وبس ومحد يشوفج غيري ربي يحفظه لي ويقوي ايمانا..
واتمنى من البنات اللي يلبسن عباة الراس يحطون صورة العباة عسب احس اني ما روم اتحكم فيها يعني ممكن اطّيح ..!!
وربي يهدينا ويهدي البنات المتبرجااااااااات اللي يرخصون ابعمارهن جدام اللي يسوا واللي ما يسوا …
ترا مردنا بيغطون النعش من فوق ابخرقه سوووووووووووده والكفن امغطيج من راسج لريولج ما يطلع منج يعني الحرمه تحيا وتعيش عالحشمه لين تدخل قبرها