تليف بالصدر

السلام عليكم بنات

انا كنت احس بقرصه في صدري الايسر وكان يزيد الالم قبل موعد الدورة ب اسبوع ومرات بيومين
وكذلك بعد ماتخلص الدوره ايزيد وايزيد ومرات ابكي من الالم …… رحت للدكتور من سنتين تقريبا
وقاللي هذا تليف (ورم حميد ) بس حجمه صغير وايد .. وانا الحين من زمان مافحصت بس تعبت من الالم
وجاي في بالي اسوي عمليه واشله …. اللي تعرف مستشفى متخصص حق هالمرض (( الله يكفيكم شره))
ياريييت تخبرني واكون لها شاكره

هلا حبيبتي انا بعد فيني ها التليف وشليته مره لانه كان حجمه يزعجني خاصه لما اطيح على صدري، شليته بمستشفى دبي صراحه وايد اوكي وبعد سوولي تجميلي يعني لما يقصون بالمشرط يكون حوالين الحلمه فمايبين ،شوفي لو كان صدق يزعجج شليه بس لو كان عادي الافضل تخلينه لانه ممكن يرجع وممكن لا على حسب انا رجعلي لاسف الحين ثلاثه ثنين صغار وواحد كبير وابا اشلهم قريب،المهم لاتخافين وعمليه بسييييطه وماتعوور ابد حتى بعد الجراحه ان شاء الله وبالتوفيق

تسلمين اختي …. انا حجمه صغير من سنتين بس ماراجعت ندي اي دكتور
وفيه قريبه لي قالت لما سافرت تايلند بنفس السبب قالوا لها قد ماتقدرين اشربي حليب البوش ((حليب الناقه))
وصح كانت مداومه ع الحليب ولما راحت تفحص راح عنها

الله يشفيج اختي ويعافيج ويعافي مرضانا ومرضى المسلمين

الاخت اللي سوت العملية vampygirl
اجر وعافيه ان شا الله .. وما تشوفين شر
سويتي العملية عند دكتور ريال والا حرمه ؟
وتحت تخدير كامل والا موضعي ؟
وكم يوم تميتي بالمستشفى والا رخوصج بنفس اليوم؟
وشو عن التجميلي هل بنفس وقت العملية يسوونه والا له موعد ثاني؟
وصدق ما يترك اثر ؟؟؟؟؟؟

وسلامتج باذن الواحد الاحد

الله يشفيج اختي ويعافيج

تسلمن

اهلين حبيبتي سوري مارديت بسرعه بس انا سويتها عند دكتورتين وحده هنديه والثانيه مادري يمكن اردنيه او سوريه بس كانن فنانات وتحت تخدير كامل بنفس اليوم يطلعونج يعني العمليه الساعه 7 الصبح ونشيت من البنج الساعه 2 تقريبا الظهر وعلى طول رخصوني من المستشفى …هيه والتجميليه بنفس الوقت يسوونها ممكن تشوفين العمليه عاليوتيوب لو ماتخافين ..اكتبي بالانجلش fiberdnoma removal وان شاء الله مافيكم الا الخير .. ماقولج انها ماتترك اثر بس تلاحظينها اقل لانها تندمج مع تدويرة الحلمة وعالسنين شوي شوي تختفي ..اتمنى اني فاديتج