تنظيم حفلات للأطفال،،،،

حفله للأطفال كلش مايبيلها شي ..
أو صدقيني بيستانسون بدون لاتكلفين وايد لانه مايحتاي ..
كل اللي يبيلج ورقه وقلم ترتبين الاغراض اللي تحتاجينها او تطلبينها او كلشي بيكون جاهز ..
اول شي حسبي عدد الاطفال اللي بتعزمينهم .. جمن بنت او جم ولد ..
اذا بتعزمين اهلهم معاهم طلبي بوفي بس اذا اطفال بروحهم مايحتاي ..
اخذي لصحون مالت العيدميلاد من اي محل ألعاب او حتى السوبر ماركت لكبيره .. بيستانسون عليهم اليهال اكثر .. 4 او 5 اشكال من الاكل حطيهم فالصحن ..سوي الاشياء اللي يحبونها الاطفال مثل البرجر لصغار السندويشات بطاطس معكرونه او تقدرين بعد تطلبين من برى .. اذا اهلهم معاهم معاج حق البوفيه احسن ..

اتصلي دقيقه وانتي قاعده بمحل الكيك او طلبي الكيكه ..
شرحي له بالضبط شلون تبينها ..
او هذي جمن فكره حق الكيك يمكن تساعدج..

الهدايا ..

تقدرين تروحين او تطرشين اي حد يروح يشتري لج الهدايا حق المسابقات
عندج Toys R Us .. او اي محل ألعاب .. او اهما بيتكلفون بتغليفهم بعد .. خل يحطون لج علامه انه هالهديه تصلح حق بنت او هالهديه حق ولد ..
أو اذا تبين قعدي الشغالات دقيقه او خل يغلفون لج اغراض البنات بجلاده ورديه او الاولاد بزرقه ..

عشان محد يطلع زعلان ..
روحي اشتري اشياء بسيطه حق اليهال حلويات او ألعاب صغيره
تقدرين تاخذين علب الكارتون على اشكال تعجب الاطفال .. حطي فيها لعبه بسيطه شي صغير ..
جم بالونه .. او شوكلت حتى لو تشترينه من البقاله .. تقدرين تكفلين محلات الشوكلت والهدايا انهم يجهزون لج هالعلب .. لونين البنات لون والاولاد لون .. وايد بيستانسون عليهم اليهال وزعيهم عليهم بعد العشا ..

الالعاب ..
*في لعبه كنا كله نلعبها او احنا اصغار او للحين لين نبي نتذكر الطفوله نلعبها اليهال فهالمناسبات .. اللعبه اسمها بر او بحر ..
حطي خيط او اذا تبين وقفيهم كلهم على حد الزوليه .. لما تقولين بر لازم يكونون ورى الخط او لما تقولين بحر يجدمون خطوه قدام الخط ..
او دودهيهم .. قولي بحر .. بر .. بحر .. بر .. بحر بحر .. بعضهم بينط فيطلع من اللعبه .. لين يتم واحد اهوا الفايز .. عشان يستانس ولدج بحفلته خليه اهوا اللي يقول لهم بر او بحر ..

*لعبه ثانيه .. اذا في اولاد يبيلهم كره , وقوليلهم اللي ينطط الكره بيده راسه او ريله اللي يبي بس المهم انه يتم اكثر وقت ماتطيح عنه الكره يكون فايز .. بيستانسون عليها الاولاد ..

* تقدرين تلعبينهم لعبة الكراسي .. اكيد تعرفينها .

*لعبة الصنم , تشغلين المسجل او كلهم لازم يتحركون لين توقفين فجأة الاغنيه .. وخلي ولدج يضحكهم واللي يضحك يطلع من اللعبه .

* تقدرين بعد تلعبونهم اللفه .. نفس الشي قعدي الخدم او عطيهم هديه صغيره .. او خليهم يلفونها كذا مره .. تشتغل الموسيقى ويكونون قاعدين على شكل دائره وتلف اللهديه من يد لي يد .. لين توقف الموسيقى واللي تكون عنده يفتح لفه وحده بس .. وتستمر اللعبه او اخر واحدد يفتح اخر لفه ياخذ الهديه .. بين كل 4 او 5 لفات حطي هديه بسيطه لو علك او شوكولا عشان مايملون وتطول اللعبه او ماينتفخ راسج من لويتهم :1 (37):

حفلتج بتكون بسيطه أو مرتبه لكن كلهم بيستانسون انشاءلله ..
الله يخليلج عيالج او يبلغج فيهم او يتربون بعزج او عز ابوهم انشاءلله

سامحوني على الأطاله …. اتمنى اني اكون فدتج ..