تورم القدمين ؟

السلااام عليكم

امهاات عندي استفسار

متى يبدأة تورم القدمين؟؟

انا بعدي بالسادس ولاحظ ان ريلي وارمه شو بصير عيل بالتاسع..؟

قريت امس عن تسمم الحمل وكان من اعراضة تورم القدمين و الم بأعلى البطن وصداع..!

خوفنيييي وايد

انا الاسبوع الي طاف ياتني آلام فبطني فوق فظيعة لمدة 3 ايام لين ما خف و راحت..
وكلة احس بصدااع براسي..

الجنين عندي الحمدلله يتحرك زين ..

في حد عندة خلفية عن هذا الموضوع..؟؟

علما ان ظروف ما تسمح لي اسير المستشفى الحين..

للرفع

تسلمو ع المرور

لو عن الراحة صعبة و أنا فالجامعة لأن طول وقتنا مشي او نقعد ع الكرسي لساعات..

الله يستر بس بتحاول نريح لما بنرقد

الراحة مهمة حبيبتي يمكن عندج ارتفاع بالضغط اهتمي باكلج والراحة

اختي اتاكدي ان ضغطج طبيعي و ان شاء الله ما فيج الا العافيه
بس اناا يوم اتورمت ريلي و انا في الشهر السادس سرت المستشفى و سوولي فحوصات اتاكدوا ان ما فيه ضغط و الحمدلله تعرفين شو قالت لي الدكتوره .. قالت يوم بتورم ريلج امشي و بالفعل قمت امشي و تررجع ريلي مثل ما كانت.. بس انا يالسه في البيت و ما اتحرك وايد .. يعني عكسج
الله يحفظج و لا تخافين ترا كل شيء يتغير في جسم الحرمه خلال الحمل ..

هلا اختيه ما تشوفين شر

بالنسبه لعلاج تورم القدمين انا يوم كنت حامل بالشهر الرابع اتورمت ريلي …. اختي تجنبي تاكلين الاشياء المالحة خففي من الملح شوي……. وحاولي بعد تحطين ريولج فوق المخدة….

الله يسهل عليج…..