سرنا ميونخ تمينا بفندق سوفتيل بصراحه انصحكم فيه روعه روعه وشرات فنادق دبي نظيف واثاثه يديد والحلو فيه انه من الساعه عشر الين اثنى عش السبا فقط للسيدات وكاتبين هالشي بالعربي وايد حلو لقيت الشغالات ويا الامهات واليهال وكلهم عرب في المسبح وبعدين المصعد يوديج للسبا ويطلعج منه منن غير ماحد يحس فيج وفيه مساج وتنظيف بشره وساونا تجربه روعه
اهم شي تتصلين بالرسبشن يطلعون الاغراض اللي بالثلاجه كلها احنا جيه سوينااا ويحترمون رغبتج ويطلعونها على طول وشرينا اغراض من السوبر ماركت وحطيناها فلثلاجه
بتحتاجين كلينكسات ديتوول ومعقمات طبعا الجو حااااااااااااااااااااااااار ومشمس يبالج كريم واقي الشمس انا رديت تقولون راده من سيرلانكا خخخخخخخخخخخ
وبعد بتحتاجون حق كراسي الحمام تعرفون الاجانب مب نظيفين زينااااا وخذي وياج غرشه ماي فاضيه عسب تحطين فيها ماااي للحمام
امممممممم ولا تشربين من الكاسه اطلبي استرو الشفاطه طبعاا جيه اسلم وافضل تعرفون الامراض المنتشره عندهم ونا من النوع الموسوس حتى شوكتي وملعقتي بشنطتي خخخخخخخخخ
انا كان وياي طفل عمره ثلاث سنوات اخدتله واقي الشمس وكنت اطهر ايدينه باستمرار بالمعقم
بخصوص اللبس فصلي عبايه قصيره وماعليه خلي البنطلون يبان من تحت ولا تكنسين شوارعهم لانها وصخه واااااااايد واااااااايد !!
بناااااات في نافوره بالمارينز السوق حقهم اشوف العرب منبطحين تحت الماي حقها وفي وحده قالت لي ترا هذا ماي مجاااااااااري يعني نصيحه لا توقفون قدامها يترش عليكم الماي حتى ريحة الماي خايسه
من ناحية الامااااااان بصراحه افضل عن لندن بمليوووووووووون مره امان بصراحه ماله مثيل وفي عراقيه تقول انا ساكنه من عشرين سنه بميونخ وبلد امااااااااان
تبون اكمـــــــــــل الله يخليكم ادعولي اخذ الايلس وربي يثبتني بالوظيفه اللي احلم فيها دخيلكم بنات مب يالسه اساوم لا والله حشاكم انتوا خوات عزيزات وغاليات بس انا محتاجه لهالدعوه والله
^^
الافضل هناك تاجرين سياره وتخلين ريلج يسوقها على سبيل المثال لان التكاسي غاليه وايد في قصور تحفه لا تضيعينها عليج انا سرت قصر نيفومبورغ بناه الملك لحرمته بصراحه قصر روعه وتعيشينه فيه قصه حبهم وذاك اليوم كانو مجموعة بنات يصورون دعاية بملابس فيكتووريه روعه كان الجو والمنظر والملابس
ميزة المارينز بنات انه مافيه سيارات يعني تخلين اولادج ينطلقون ماعليهم خلاف وكله عن يمينج ويسارج كافيهات ومطاعم وزي مانصحتكم خذوا ملعقة وشوكه فلشنطة انظف والله ومن خاف سلمّ
وفي محلات روعه انتهزوا العروض والتنزيلات وخذي الاشياء اللي ماراح تلقينها عندننا وعلى فكره اللي عندها فيزا لندن ماراح تاخذ التاكس فلمطار خلو هالشي في بالكم