انا عضوة وياكم ،، بس استخدم هالنك لطرح المشكلات
عزيزاتي ،،، انا فتاة في مقتبل العمر ،، و انا معروفة جداً بين الناس
مشكلتي تكمن في اني اثق بكل شخص ممكن اصادفة فحياتي.. و اكرر اي شخص
طبيعة عملي اتعامل مع البنات و الشباب و بالتأكيد اضع حدود للشباب
لكن انا من النوع اللي اخذ و اعطي بشكل كبير جداً مع اي انسان اتعامل وياه
يعني احيانا اتكلم عن نفسي و عن حياتي و تجارب من حياتي بغرض افادة البعض .
لكن بعد ذلك استوعب اني ارتكتب امر خاطئ ،،، يعني انا ممكن اخبرهم بحسن نية لكن بعدها اخاف انهم يستغلون هالشي ضدي ،، خاصة كما ذكرت مسبقاً انه لي اسمي في المجتمع و هذا ليس غروراً بس لتقييم المشكلة و الخوف اللي اعاني منه
مثلا اذا حد واجه مشكلة اجتماعية و لجأ لي ،، اساعده و ممكن عشان اقنعه اعطيهم امثلة و تجارب
من حياتي الشخصية ليستفيد منها .. و عقبها اندم احس اني استعيلت و كشفت عن امور المفروض محد يعرفها؟
قد يعتبرني البعض غبية و لا الومكم 
انا اعرف انه ثقتي العالية بالناس ممكن :
تأذني
تستغل ضدي بشكل خاطئ
و اعرف انه الناس كلهم مب طبيبين و ممكن يأذوني بشكل كبير
و مب كل الناس ملائكة ،،،
بس هذي طبيعتي ،، اني اخذ و اعطي و اسولف مع الكل
لاني تربيت على مبدأ هل جزاء الاحسان إلا الإحسان
فدوم اقول اذا انا ما اذيتهم ليش بيأذوني؟
لكن الفترة الاخيرة بدت تزيد عندي المخاوف خاصة بعد ان قامت احدى الفتيات بتذكيري بموقف تعرضت له و طبعاً انا ذكرته بغرض مساعدتها لا اكثر و لا اقل ،،، فقلت في نفسي ! اكيد الكل ممكن يكون سيء مثلها او يستغل هالشي ضدي
اخاف باجر اندم اكثر و يأذوني و يدمرون حياتي بسبة غبائي،،،
كيف اتصرف؟ و اتعلم ان اضع حدود و خطوط حمراء ، و كيف اتصرف تجاه خوفي من كلام بعض الناس ؟
هل برايكم ممكن يتصلح هالخطأ اللي ارتكبته؟
ارجوكم 
تعاملو مع الموضوع بجدية و اتمنى ان لا اجد هجوم او ردود جارحة ؟
اسفة طولت عليكم بس جد احس بتوتر فضيع و خوف
من اسراار حيااتج والمواقف الاجتماااعيه كلناا نتكلم عنهاا احيااناا
بس ماشكلت خطر 00هنااك اسرار الوحدة لازم ماتقولهااا وانتي
ادرى بأسراار حيااتج 00بس حلو انج تفكرين ليداام يعني في
المستقبل والحيااة الزوجيه مب كل شي ينقااال 00
حااولى تفكرين قبل ما تقولين الموقف واذا حسيتي انه يكشف
سر او تفااصيل حياتج الاجتمااعيه لا تقولينه وهذا ايي بالتدريج
الله ايسر امورج ويسعدج ياارب
قولى اعرف وحده صار لها وكيف تصرفت
اذا حاابه تقدميـــن مســأعدتج للغيــر ومب رايمـــه تمنعيــن نفسج عن هالشــيء سوي نفس ماقالت الاخت اللي قبلي اضربي مثــال لشخص وهمــي وكيف تصــرف وما تقولــين انها انتي او تفصــلين في التفاصيل عشان ماتنعرفيــن .. خصوصا على قولتج انج مشهوره المفروض تكونيــن اكثر شخص يدور الخصوصيــة في حياته .. من جيه تعلمي تسمعيــن اكثر من اللي تقوليـــه ..
في جمــله تقولها اختي دوم .. الله خلق للشخص اذنيــن ولســـان واحد .. حطي هالشي في بالج
سلامي
خلي اسرارج لج ابروحج الناس ما يتامنون…