شحالكم عزيزاتي ..؟
ما بطول عليكمـ ..
هالسنة تخرجت من الثانوية بـ 94 %
ما شاء الله منتدانا زاخر من خريجات التقنيه و زايد ^.^
الصراحه انا قبلتني التقنيه بس كان خاطري في زايد وللحين ودي في زايد ..
والصراحه اللي خوفني فالتقنيه الماث >< ..
و زايد اونه بتخيسين فيهااا بيشيب شعر راسج ..!
ابي اعرف شو الاحسن زايد ولا التقنيه ..؟
فيدوني دخيلكم ..
اختي كل مكان مايخلو من السلبيات او خلينا نقول (الصعوبات)
اذا بتمين تفكرين وهالله هالمكان ما ابيه عشان جي
والمكان الثاني جي فيه فانتي مابتخلصين ومابتنجزين شي
واجهي عشان تتعلمين ..!
انا بتكلم عن جامعة زايد لاني منها ..!
هي الجامعة الوحيدة اللي تحمل اسم ابونا الشيخ زايد رحمة الله عليه
وطلبتها مثل النجوم لما يذكرونهم ..!
سنوات الدراسة بدون اللغة الانجليزية 3 سنوات ونص
بدون رسوب او ايقاف او اعادة ,,
دراستنا عالية جدا جدا جدا لدرجة انه شهادة الجامعة
مقبولة في اي مكان ع مستوى العالم مب بس الامارات
الجامعة تعتمد ع تطوير 6 مهارات اساسية عالمية وتركز
على مفهوم الشخصية والثقافة واللغة واللي اغلب الجامعات
ماتعطيها اي اهمية كبيرة الى جانب التخصص
المقرر دراسته ..!
الجامعة تعطي مساحة كبيرة لحرية الطالبة في الابداع والابتكار
وتشجع بشكل كبير بالاضافة للمرافق الممتازة الموجودة في الجامعة
وكلها تهدف لانتاج طالبات على مستوى راقي
في النهاية .. الموضوع بيدج انتي اللي تقررين تتخرجين بسرعة او اتمين
في الجامعة على حسب جهدوج وعطاءج لنفسج !!
ولا تسمعين كلام البنات
انا ماعطيتج رايي انا تكلمت عن واقع الجامعة
وانتي اللي تقررين
وان شالله البقية بتفيدج بالمعلومات اللي عندها
بالتوفيق
يعني 5 سنوات و تتخرجين بشهآدة بكالوريوس و خبرة فالانجلش
وآشوف قوانينهم متسآهله مقآرنة بالكلية اللي فيها توقيف و طرد
والله يوفقج =)
والكليه غير عن جامعة زايد من ناحية الدراسه في الكليه ما نعتمد على الكتب ومنهج ولازم نخلصه لا دراستنا عباره عن بروجكتات واشغال نحن نشتغل ونتعلم و بالنسبه للمدرسين وايد متعاونين ويانا وشي امتحانات على اوراق وشي اون لاين غير الرحلات التعليميه إلي يسوونها لنا وجامعة زايد فيها 8 ليفلات عشان تعدين الفاونديشن نحن عندنا سنه كامله ادرسيها وخلصي وبتعدين ماشي لفلات بس مع النظام اليديد تغير ماشي دبلوم ودبلوم عالي على طول باجلر
انا لما تخرجت من الثانويه كنت مختاره جامعة زايد بس على طول غيرت للكليه والحمدلله قرار كان في محله
انتي صلي استخاره وشوفي المكان المناسب لج
المشاركة الأصلية كتبت بواسطة الروح }– 
اختي كل مكان مايخلو من السلبيات او خلينا نقول (الصعوبات)
اذا بتمين تفكرين وهالله هالمكان ما ابيه عشان جي
والمكان الثاني جي فيه فانتي مابتخلصين ومابتنجزين شي
واجهي عشان تتعلمين ..!
انا بتكلم عن جامعة زايد لاني منها ..!
هي الجامعة الوحيدة اللي تحمل اسم ابونا الشيخ زايد رحمة الله عليه
وطلبتها مثل النجوم لما يذكرونهم ..!
سنوات الدراسة بدون اللغة الانجليزية 3 سنوات ونص
بدون رسوب او ايقاف او اعادة ,,
دراستنا عالية جدا جدا جدا لدرجة انه شهادة الجامعة
مقبولة في اي مكان ع مستوى العالم مب بس الامارات
الجامعة تعتمد ع تطوير 6 مهارات اساسية عالمية وتركز
على مفهوم الشخصية والثقافة واللغة واللي اغلب الجامعات
ماتعطيها اي اهمية كبيرة الى جانب التخصص
المقرر دراسته ..!
الجامعة تعطي مساحة كبيرة لحرية الطالبة في الابداع والابتكار
وتشجع بشكل كبير بالاضافة للمرافق الممتازة الموجودة في الجامعة
وكلها تهدف لانتاج طالبات على مستوى راقي
في النهاية .. الموضوع بيدج انتي اللي تقررين تتخرجين بسرعة او اتمين
في الجامعة على حسب جهدوج وعطاءج لنفسج !!
ولا تسمعين كلام البنات
انا ماعطيتج رايي انا تكلمت عن واقع الجامعة
وانتي اللي تقررين
وان شالله البقية بتفيدج بالمعلومات اللي عندها
بالتوفيق
الله يبارك فيج و عقبال تخرج من الجامعه ..
هيه و الله صدقج يختيه ..
يعني التأسيس ( الانجلش ) سنتين ..؟!
انا اللي حبيته فيها انها تخرج بنات بيرفكت فالانجلش ..
و سياستها وايد حلوهـ ^,^
تسلمين عزيزتي ما قصرتي ويايه ..
المشاركة الأصلية كتبت بواسطة نبض الحزن
يعني 5 سنوات و تتخرجين بشهآدة بكالوريوس و خبرة فالانجلش
هالمطلوب انا ابي يكون الانجلش مالي اوكيه ^.^
وآشوف قوانينهم متسآهله مقآرنة بالكلية اللي فيها توقيف و طرد
هيه والله صدقج و سمعت التقنيه وايد تتطرد بنات
والله يوفقج =)
و يوفقج عزيزتي مشكورهـ عالرد