جبت علوم البلاليط بالكراميل

السلام عليكن خواتي الغاليات
هذه الطريقة بعد التعديل

لأني خذت الطريقة من بيت عمتي وسويتها مرة ..وطلعت لينة ماتسوى
وجربتها مرة ثانية ( كله ورا بعض )

وخففت الماي
البلاليط بالكراميل
6 ملاعق طعام سكر
اقل من 1.5 كاس ماء ( قلاص كرافت )
منكهات ( هال ، قرفة )
مكسرات ( لوز وفستق مكسر )
كيس بلاليط ( ماركة اسمها احمد وهي باكستانية ولونها بني فاتح )

الطريقة :
السكر نسويه كراميلا فاتحة جدا في تاوة معدن بيضا عسب نقدر نميز اللون
وتكونين حاطة عدالج جدر صغير

نضيف الماء الى الكراميلا
اول شي اضيفي كاس ماي وبعدين ضيفي ربع كاس
بتفور الكراميلا وببتعقد شوية لكن ( كوني قوية ) … …. وخلي الماي يفور شوي وبتذوب المعقدات
صبيه كله في الجدر وحطيه على النار

نضيف المنكهات

شلي الجدر عن النار وضيفي البلايط واجلبي فوق تحت
تتشرب المياه كلها نضيف المكسرات
ونتركه على نار خفيفة حتى يتصاعد البخار

وسلامتكم من كل شي وهني وعافية

عاد خبروني شو سويتوا

اترككم مع الصور

باقي الصور

والتقديم

والختام

يسلموووووو يا قمر

أنا كنت اتريااااج
وينج طولتي

هههههههههههههه الصوره الاخيره اجنن تسلم ايدج الغاليه وان شاء الله اول ما اطبقه احط الصوره مشكوره فديتج

مرحبا الغالية
سامحيني
طولت عسب سويت كم مرة لين ضبطت وياي
وان شاء الله المرات الجاية بتضبط اكثر

ليتج في دبي جان طرشت لج طبقة